హనుమకొండ జిల్లా కేంద్రంలో 80వ స్వాతంత్ర్య దినోత్సవ వేడుకలు శనివారం ఘనంగా జరిగాయి. పోలీస్ పరేడ్ గ్రౌండ్స్లో జరిగిన ఈ వేడుకలకు రాష్ట్ర మంత్రి పొంగులేటి శ్రీనివాస్రెడ్డి ముఖ్య అతిథిగా హాజరై జాతీయ పతాకాన్ని ఆవిష్కరించారు. వరంగల్ ఎంపీ డాక్టర్ కడియం కావ్య కూడా ఈ వేడుకల్లో పాల్గొన్నారు.
కాకతీయ యూనివర్సిటీ (కేయూ) పోలీస్ స్టేషన్ పరిధిలో శాంతిభద్రతల పరిరక్షణలో విశేష కృషి చేసిన సీఐ రవికుమార్ కు ఉత్తమ ఉద్యోగి అవార్డు లభించింది. ఆయన బాధ్యతలు స్వీకరించిన తర్వాత యూనివర్సిటీలో నెలకొన్న సమస్యలు పరిష్కారమయ్యాయని, విద్యార్థుల ఆందోళనలు తగ్గుముఖం పట్టాయని స్థానికులు పేర్కొంటున్నారు.
హనుమకొండ బాలసముద్రంలోని చక్రవర్తి వైద్యశాలలో 80వ భారత స్వాతంత్ర్య దినోత్సవ వేడుకలు శనివారం ఘనంగా నిర్వహించారు. ఈ సందర్భంగా వైద్యశాల చైర్మన్ డాక్టర్ తరుణ్ జాతీయ జెండాను ఎగురవేసి, జాతీయ గీతాన్ని ఆలపించారు.
అనంతగిరి మండలం అమీనాబాద్ గ్రామంలో స్వాతంత్ర్య దినోత్సవాన్ని పురస్కరించుకుని పాఠశాలలో నిర్వహించిన ఆటల పోటీల్లో విద్యార్థులు ఉత్సాహంగా పాల్గొన్నారు. ఈ పోటీల్లో విజేతలకు గ్రామ సర్పంచ్ లలిత, వైస్ సర్పంచ్ కవిత తమ సొంత ఖర్చులతో బహుమతులు అందజేశారు.
హనుమకొండ జిల్లా సబ్ రిజిస్టర్ కార్యాలయంలో 80వ స్వాతంత్ర్య దినోత్సవ వేడుకలను పురస్కరించుకుని, అడ్వకేట్ ఉప్పెనపల్లి రవికుమార్ ఆధ్వర్యంలో కార్యాలయానికి వచ్చే వృద్ధులకు, మానసిక వికలాంగులకు రెండు వీల్ చైర్లను జిల్లా రిజిస్టర్ సుబ్బలక్ష్మికి అందజేశారు.
ఏఐసీసీ అధ్యక్షుడు మల్లికార్జున ఖర్గే పట్ల బీజేపీ నాయకుల తీరును నిరసిస్తూ హనుమకొండలో కాంగ్రెస్ పార్టీ ఆధ్వర్యంలో సత్యాగ్రహ నిరసన చేపట్టారు. ఈ నిరసనకు వరంగల్ ఎంపీ డాక్టర్ కడియం కావ్య నాయకత్వం వహించారు. ఖర్గేను అవమానించడం దళితులు, గిరిజనుల ఆత్మగౌరవంపై దాడిగా ఆమె అభివర్ణించారు.
మండల కేంద్రంలోని తెలంగాణ ఆదర్శ పాఠశాలలో పదో తరగతిలో ఉత్తమ ప్రతిభ కనబరిచిన విద్యార్థులకు స్థానిక సర్పంచ్ నల్లపాటి ప్రమీల శ్రీనివాస్ రూ. 10 వేల ఆర్థిక ప్రోత్సాహాన్ని స్వాతంత్ర్య దినోత్సవ వేడుకల సందర్భంగా అందజేశారు. నల్లపాటి ఫౌండేషన్ ఆధ్వర్యంలో ఈ కార్యక్రమం నిర్వహించారు.
మునగాల మండల కేంద్రంతో పాటు పరిధిలోని వివిధ గ్రామాలలో 80వ స్వాతంత్ర దినోత్సవ వేడుకలను ప్రభుత్వ, ప్రైవేటు కార్యాలయాల్లో శనివారం ఘనంగా నిర్వహించారు. ఈ సందర్భంగా దేశభక్తిని చాటుతూ మువ్వన్నెల జెండాను ఎగురవేశారు.
భారతదేశ 80వ స్వాతంత్ర్య దినోత్సవాన్ని పురస్కరించుకుని రాజన్న సిరిసిల్ల జిల్లా ముస్తాబాద్ మండలం పోతుగల్ గ్రామ పంచాయతీ కార్యాలయంలో వేడుకలు ఘనంగా జరిగాయి. ఈ సందర్భంగా ఉదయం 8:30 గంటలకు గ్రామ సర్పంచ్ పెద్దిగారి యాదమ్మ - శ్రీనివాస్ గారు జాతీయ జెండాను ఎగురవేశారు.
ముస్తాబాద్ మండలం కొండాపూర్ గ్రామానికి చెందిన శాస్త్రవేత్త డా. చిగురు ఆదిమలన్ బాబా ముదిరాజ్ (.) తన కుటుంబ సభ్యుల జ్ఞాపకార్థం పదో తరగతిలో ప్రథమ, ద్వితీయ స్థానాలు సాధించిన విద్యార్థులకు సిల్వర్ మెడల్స్ తో సత్కరించారు. ఈ పురస్కారాలను బీజేపీ ఓబీసీ మోర్చ మాజీ మండల అధ్యక్షులు చిగురు వెంకన్న ముదిరాజ్ అందజేశారు.
మన హక్కులు.. మన భవిష్యత్ నినాదంతో రైట్ టు ఇండిపెండెన్స్ మూవ్మెంట్ ఆధ్వర్యంలో స్వాతంత్య్ర దినోత్సవాన్ని పురస్కరించుకుని భారీ రైట్స్ వాక్ నిర్వహించారు. ఏకశిల పార్క్ నుంచి అంబేడ్కర్ విగ్రహం వరకు జరిగిన ఈ ర్యాలీలో యువత పెద్ద సంఖ్యలో పాల్గొన్నారు.
80వ స్వాతంత్ర్య దినోత్సవ వేడుకల సందర్భంగా వర్ధన్నపేట పట్టణంలో జాతీయ పతాకాన్ని ఆవిష్కరించే సమయంలో అది తలకిందులుగా ఎగిరింది. బీఆర్ఎస్ పార్టీ ఆధ్వర్యంలో జరిగిన ఈ కార్యక్రమంలో మాజీ ఎమ్మెల్యే ఆరూరి రమేష్ జెండాను ఆవిష్కరించారు.
80వ స్వాతంత్ర్య దినోత్సవాన్ని పురస్కరించుకుని కాజీపేట డీజిల్ ఇన్స్టిట్యూట్ ఆవరణలో ఘనంగా వేడుకలు నిర్వహించారు. ఈ సందర్భంగా బిలియర్డ్స్, స్నూకర్, క్యారమ్స్, చెస్, వాలీబాల్, షటిల్ బ్యాడ్మింటన్ వంటి క్రీడలను ప్రోత్సహించేందుకు కొత్త బిలియర్డ్స్, స్నూకర్ టేబుళ్లు, క్యారమ్స్ బోర్డులను ప్రారంభించారు. సీనియర్ డీఎంఈ ఎన్.వి. వెంకట కుమార్ ముఖ్య అతిథిగా హాజరై క్రీడా పోటీలను ప్రారంభించి, విజేతలకు బహుమతులు అందజేశారు.
దేశ 80వ స్వాతంత్ర్య దినోత్సవాన్ని పురస్కరించుకుని కాజీపేటలో వివిధ కార్మిక సంఘాల ఆధ్వర్యంలో ఘనంగా జాతీయ పతాకావిష్కరణ కార్యక్రమాలు నిర్వహించారు. మండల యూనియన్ గౌరవ అధ్యక్షులు మైసరపు సీరిల్ లారెన్స్ ముఖ్య అతిథిగా పాల్గొని పలుచోట్ల జాతీయ పతాకాన్ని ఆవిష్కరించారు.
కేంద్ర ప్రభుత్వ ప్రజా వ్యతిరేక విధానాలకు నిరసనగా సీపీఐ ఆధ్వర్యంలో వరంగల్ జిల్లాలో కొనసాగుతున్న పాదయాత్ర ఆరో రోజుకు చేరుకుంది. అన్నారం షరీఫ్ నుంచి ఎల్లండలోకి ప్రవేశించిన ఈ పాదయాత్రలో పార్టీ నాయకులు, కార్యకర్తలతో పాటు ప్రజలు పెద్ద సంఖ్యలో పాల్గొన్నారు.
రాష్ట్ర ముఖ్యమంత్రి ఎ. రేవంత్ రెడ్డి ఆగస్టు 16న (ఆదివారం) పరకాలలో పర్యటించనున్నారు. ఈ పర్యటనలో భాగంగా రూ.400 కోట్లకు పైగా విలువైన వివిధ అభివృద్ధి పనులకు ఆయన ప్రారంభోత్సవాలు, శంకుస్థాపనలు చేయనున్నారు. ముఖ్యమంత్రి పర్యటన నేపథ్యంలో అధికారులు పకడ్బందీ ఏర్పాట్లు చేస్తున్నారు.
80వ స్వాతంత్ర్య దినోత్సవాన్ని పురస్కరించుకుని కాజీపేటలో తెలంగాణ తుఫాన్ అండ్ కార్స్ యూనియన్ ఆధ్వర్యంలో ఘనంగా జెండా ఆవిష్కరణ కార్యక్రమం జరిగింది. ఈ వేడుకలకు ముఖ్య అతిథిగా దాస్యం విజయభాస్కర్ హాజరయ్యారు.
నేషనల్ ఇన్స్టిట్యూట్ ఆఫ్ టెక్నాలజీ (ఎన్ఐటీ) వరంగల్లో 80వ స్వాతంత్ర్య దినోత్సవ వేడుకలు దేశభక్తి స్ఫూర్తితో, ఉత్సాహభరితమైన సాంస్కృతిక కార్యక్రమాలతో ఘనంగా నిర్వహించారు. జాతీయ పతాకావిష్కరణ, ఎన్సీసీ కవాతు, సాంస్కృతిక ప్రదర్శనలు, ప్రతిభా పురస్కారాలు, క్యాంపస్ అభివృద్ధి కార్యక్రమాలు వేడుకలకు ప్రత్యేక ఆకర్షణగా నిలిచాయి.
భారత 80వ స్వాతంత్ర్య దినోత్సవ వేడుకలు హన్మకొండ జిల్లా కేంద్రంలోని పోలీస్ పరేడ్ గ్రౌండ్స్లో అత్యంత ఘనంగా నిర్వహించారు. రాష్ట్ర మంత్రి పొంగులేటి శ్రీనివాస్ రెడ్డి జాతీయ పతాకాన్ని ఆవిష్కరించి, పోలీసుల గౌరవ వందనం స్వీకరించారు. ఈ సందర్భంగా ఆయన స్వాతంత్ర్య సమరయోధుల త్యాగాలను స్మరించుకున్నారు.
అఖిల భారత కాంగ్రెస్ కమిటీ అధ్యక్షుడు మల్లికార్జున్ ఖర్గేపై బీజేపీ నాయకులు చేసిన వ్యాఖ్యలను నిరసిస్తూ కాంగ్రెస్ పార్టీ హనుమకొండలో సత్యాగ్రహ దీక్ష, నిరసన ర్యాలీ నిర్వహించింది. ఈ వ్యాఖ్యలను వరంగల్ పశ్చిమ ఎమ్మెల్యే నాయిని రాజేందర్ రెడ్డి తీవ్రంగా ఖండించారు.
