రంగారెడ్డి, 4 November
యూట్యూబ్, సోషల్ మీడియా వీడియోలు చూసి నకిలీ కరెన్సీని ముద్రిస్తున్న ఒక భారీ ముఠాను తెలంగాణలోని ఫ్యూచర్ సిటీ కమిషనరేట్ పోలీసులు రట్టు చేశారు. ఈ ఆపరేషన్లో రూ.6.78 కోట్ల విలువైన నకిలీ 500 నోట్లను స్వాధీనం చేసుకున్నారు. ఈ కేసులో నలుగురు నిందితులను అరెస్ట్ చేసినట్లు పోలీస్ కమిషనర్ డాక్టర్ తరుణ్ జోషి వెల్లడించారు.
యూట్యూబ్, సోషల్ మీడియా వీడియోలు చూసి నకిలీ కరెన్సీని ముద్రిస్తున్న ఒక భారీ ముఠా గుట్టును తెలంగాణలోని ఫ్యూచర్ సిటీ కమిషనరేట్ పోలీసులు రట్టు చేశారు. ఈ ఆపరేషన్లో రూ.6.78 కోట్ల ముఖ విలువ కలిగిన నకిలీ 500 నోట్లను స్వాధీనం చేసుకోవడంతో పాటు నలుగురు నిందితులను అరెస్ట్ చేసినట్లు ఫ్యూచర్ సిటీ పోలీస్ కమిషనర్ డాక్టర్ తరుణ్ జోషి వెల్లడించారు.
అబ్దుల్లాపూర్మెట్ పోలీసులు, షాద్నగర్ ఎస్ఓటీ () సిబ్బంది సంయుక్తంగా విజయవాడ జాతీయ రహదారిపై రామోజీ ఫిల్మ్సిటీ సమీపంలో వాహనాల తనిఖీలు చేపట్టారు. ఈ క్రమంలో అనుమానాస్పదంగా వెళ్తున్న కారును ఆపి సోదాలు చేయగా, అందులో రూ.8 లక్షల విలువైన నకిలీ కరెన్సీ నోట్లు బయటపడ్డాయి.
కుంట్లూరులో నకిలీ నోట్ల స్థావరం
కారులోని వారిని అదుపులోకి తీసుకుని విచారించగా, జిల్లా కుంట్లూరులో ఒక ఇంటిని అద్దెకు తీసుకుని నకిలీ నోట్ల తయారీ కేంద్రాన్ని నిర్వహిస్తున్నట్లు ఒప్పుకున్నారు. వెంటనే ఆ స్థావరంపై దాడి చేసిన పోలీసులు, అక్కడ పంపిణీకి సిద్ధంగా ఉంచిన మరో రూ.6.70 కోట్ల విలువైన నకిలీ నోట్లను (మొత్తం రూ.6.78 కోట్లు) జప్తు చేశారు. వీటితో పాటు ప్రింటర్లు, స్కానర్లు, పేపర్ కట్టింగ్ పరికరాలు, లామినేషన్ మెషిన్లు, డమ్మీ పిస్టల్స్, పోలీసు ఐడీ కార్డులను స్వాధీనం చేసుకున్నారు.
యూట్యూబ్లో చూసి నేర్చుకుని
కేసులోని ప్రధాన నిందితుడు మడుపోజు కరుణాకర్ సోషల్ మీడియా, యూట్యూబ్ వీడియోలు చూసి నకిలీ నోట్ల ముద్రణ విధానాన్ని నేర్చుకున్నట్లు సీపీ తెలిపారు. వీరు ముద్రించిన కరెన్సీని పంపిణీ చేయడంతో పాటు, డమ్మీ పిస్టళ్లు, పోలీసు ఐడీ కార్డులు చూపి అమాయకులను బెదిరించి వసూళ్లకు కూడా పాల్పడుతున్నట్లు విచారణలో తేలింది.
ఈ కేసులో కరుణాకర్తో పాటు మరో ముగ్గురిని పోలీసులు అరెస్ట్ చేయగా, పరారీలో ఉన్న మిగిలిన నిందితుల కోసం గాలింపు చర్యలు వేగవంతం చేశారు.
