బండ్లగూడ రవాణా శాఖలో పనిచేస్తున్న కానిస్టేబుల్ అరుణ్ నాయక్ ను విజిలెన్స్ ఏసీబీ అధికారులు విచారించారు. కార్యాలయంలో డబ్బులు లెక్కించినట్లు ఒప్పుకున్న ఆయన, ఆ డబ్బులకు తనకు సంబంధం లేదని, అవి ఎంవీఐ భీమ్ సింగ్ నాయక్, ఆర్టీవో రామచందర్ నాయక్ కు సంబంధించినవని తెలిపారు.
బండ్లగూడ రవాణా శాఖలో కానిస్టేబుల్ గా పనిచేస్తున్న అరుణ్ నాయక్ ను విజిలెన్స్ ఏసీబీ అధికారులు విచారించారు. కార్యాలయంలో డబ్బులు లెక్కించిన మాట వాస్తవమని ఆయన వెల్లడించారు. అయితే, ఆ డబ్బులకు తనకు ఎలాంటి సంబంధం లేదని ఆయన తెలిపారు.
ఎంవీఐ భీమ్ సింగ్ నాయక్, ఆర్టీవో రామచందర్ నాయక్ కు సంబంధించిన డబ్బులని కానిస్టేబుల్ అధికారులకు తెలిపారు. ఈ నేపథ్యంలో అర్ధరాత్రి వరకు బండ్లగూడ రవాణా శాఖ కార్యాలయంలో ఏసీబీ సోదాలు కొనసాగాయి.
కానిస్టేబుల్ వెల్లడించిన పూర్తి వివరాల ప్రకారం ముగ్గురిపై ఉన్నత అధికారులు చర్యలు తీసుకున్నారు. కానిస్టేబుల్ అరుణ్ ను సస్పెండ్ చేస్తూ ఉత్తర్వులు జారీచేసిన అనంతరం, ఎంవీఐ భీమ్ సింగ్ నాయక్, రామచందర్ నాయక్ లను రవాణా శాఖ ప్రధాన కార్యాలయానికి అటాచ్ చేస్తూ ఉత్తర్వులు జారీ చేశారు.
రవాణా శాఖ ప్రధాన కార్యాలయానికి అటాచ్ చేస్తూ ఉత్తర్వులు జారీచేసిన కొద్ది గంటల్లోనే, ఇద్దరినీ సస్పెండ్ చేస్తూ మరో ఉత్తర్వులు రవాణా శాఖ కమిషనర్ ఇలంబర్తి జారీ చేశారు. ఈ పరిణామాలతో రవాణా శాఖలో కలకలం రేగింది.