జగిత్యాల కృష్ణానగర్లో ఘనంగా బతుకమ్మ వేడుకలు: మాజీ చైర్పర్సన్ అడువాల జ్యోతి చేతుల మీదుగా బతుకమ్మ బావి ప్రారంభం

శ్రీ అభయాంజనేయ స్వామి ఆలయంలో ప్రత్యేక పూజలు నిర్వహించిన అనంతరం, అడువాల జ్యోతి మహిళలతో కలిసి బతుకమ్మ వేడుకల్లో పాల్గొన్నారు. ఆమె వారితో కలిసి బతుకమ్మ ఆడుతూ సందడి చేశారు.

వేడుకల్లో భాగంగా మహిళలు తీసుకొచ్చిన బతుకమ్మలను అందంగా అలంకరించారు. వీటిలో ఉత్తమంగా అలంకరించిన మొదటి పది బతుకమ్మలను ఎంపిక చేసి, విజేతలకు బహుమతులు అందజేశారు.

కృష్ణానగర్లో నూతనంగా ఏర్పాటు చేసిన బతుకమ్మ బావిని అడువాల జ్యోతి తన సొంత నిధులతో నిర్మించి ప్రారంభించారు. బతుకమ్మ పండుగ సందర్భంగా మహిళలకు ఉపయోగపడేలా ఈ బావిని ఏర్పాటు చేయడం పట్ల స్థానికులు హర్షం వ్యక్తం చేశారు.

ఈ కార్యక్రమంలో కౌన్సిలర్ పులి రమాదేవి, కో ఆప్షన్ సభ్యురాలు వీరబత్తిని పద్మజ శ్రీనివాస్, శ్రీ అభయ ఆంజనేయ ఆలయ ట్రస్ట్ సభ్యులు, స్థానిక నాయకులు, మహిళలు, మరియు స్థానికులు పెద్ద సంఖ్యలో పాల్గొన్నారు.