పండుగ సాయన్న జయంతి సందర్భంగా షాద్నగర్లో జాతీయ బీసీ జనసేన ఆధ్వర్యంలో ఆయన చిత్రపటానికి పూలమాలలు వేసి ఘనంగా నివాళులర్పించారు. బీసీల ఆత్మగౌరవం, హక్కుల సాధన, సామాజిక న్యాయం కోసం ఆయన ఆశయాలను కొనసాగించాలని నాయకులు పిలుపునిచ్చారు.
పండుగ సాయన్న జయంతి సందర్భంగా షాద్నగర్లో జాతీయ బీసీ జనసేన ఆధ్వర్యంలో ఆయన చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా నాయకులు పండుగ సాయన్న సేవలను, సమాజం కోసం ఆయన సాగించిన పోరాటాన్ని స్మరించుకున్నారు. ఆయన ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు.
ఈ సందర్భంగా జాతీయ బీసీ జనసేన నాయకులు మాట్లాడుతూ, బీసీ సమాజ ఆత్మగౌరవం, హక్కుల సాధన, సామాజిక న్యాయం కోసం బీసీలంతా ఐక్యంగా ముందుకు సాగాలని అన్నారు. మహనీయుల జీవితాలు, వారి పోరాటాలు నేటి యువతకు స్ఫూర్తిదాయకమని పేర్కొన్నారు.
బీసీల అభ్యున్నతికి ఐకమత్యంతో కృషి చేస్తూ, పండుగ సాయన్న ఆశయాలను ప్రజల్లోకి విస్తృతంగా తీసుకెళ్లాలని పిలుపునిచ్చారు.
ఈ కార్యక్రమంలో జాతీయ బీసీ జనసేన అధ్యక్షుడు కత్తి చంద్రశేఖర అప్ప, రాష్ట్ర అధికార ప్రతినిధి స్రవంతి రాజ్, నియోజకవర్గ అధ్యక్షురాలు జక్కుల జలజ, రాష్ట్ర నాయకులు మేకల వెంకటేష్, వెంకటయ్య టీచర్, నియోజకవర్గ అధ్యక్షుడు గడ్డమీద రమేష్, తంగేడిపల్లి శంకర్ తో పాటు పలువురు బీసీ నాయకులు పాల్గొని పండుగ సాయన్నకు ఘనంగా నివాళులర్పించారు.
