హనుమకొండ, 2026-08-12
అంతర్జాతీయ యువ దినోత్సవాన్ని పురస్కరించుకొని హనుమకొండ జిల్లాలో హెచ్ఐవీ/ఎయిడ్స్, ఎస్టీఐలపై విస్తృత అవగాహన కార్యక్రమాలు ప్రారంభమయ్యాయి. జిల్లా వైద్య ఆరోగ్య శాఖ అధికారి డా. ఎ. అప్పయ్య ఈ కార్యక్రమాన్ని బుధవారం ప్రభుత్వ టీబీ ఆసుపత్రిలో ప్రారంభించారు. యువతకు డిజిటల్ మాధ్యమాల ద్వారా సమాచారం అందించేందుకు ప్రత్యేక యాప్ను కూడా పరిచయం చేశారు.
అంతర్జాతీయ యువ దినోత్సవాన్ని పురస్కరించుకొని హనుమకొండ జిల్లాలో హెచ్ఐవీ/ఎయిడ్స్, ఎస్టీఐలపై నిర్వహిస్తున్న విస్తృత (ఇంటెన్సిఫైడ్) ఐఈసీ ప్రచార కార్యక్రమాన్ని జిల్లా వైద్య ఆరోగ్య శాఖ అధికారి డా. ఎ. అప్పయ్య బుధవారం ప్రభుత్వ టీబీ ఆసుపత్రిలో ప్రారంభించారు. మారుతున్న కాలానికి అనుగుణంగా యువతకు డిజిటల్ మాధ్యమాల ద్వారా హెచ్ఐవీకి సంబంధించిన సమగ్ర సమాచారం, సేవలను (జాతీయ ఎయిడ్స్ నియంత్రణ సంస్థ) రూపొందించిన ద్వారా పొందవచ్చని ఆయన తెలిపారు. ఈ సందర్భంగా యాప్కు సంబంధించిన కోడ్ పోస్టర్ను అధికారులు, అతిథులు ఆవిష్కరించారు.
ఆగస్టు 12 నుంచి అక్టోబర్ 12 వరకు ప్రచారం
ఆగస్టు 12 నుంచి అక్టోబర్ 12 వరకు జిల్లాలో విస్తృత స్థాయిలో హెచ్ఐవీ/ఎయిడ్స్పై అవగాహన కార్యక్రమాలు నిర్వహించనున్నట్లు అడిషనల్ డీఎంహెచ్ఓ డా. మదన్మోహన్ రావు తెలిపారు. జిల్లాలోని 181 గ్రామాలతో పాటు పాఠశాలలు, కళాశాలలు, మహిళా సంఘాల్లో ఈ కార్యక్రమాలను నిర్వహించి ప్రజలకు, ముఖ్యంగా యువతకు హెచ్ఐవీ/ఎయిడ్స్పై అవగాహన కల్పించనున్నట్లు ఆయన పేర్కొన్నారు.
ఆరోగ్యకరమైన జీవనశైలి అవసరం
నేటి యువత హెచ్ఐవీ/ఎయిడ్స్పై సరైన సమాచారాన్ని తెలుసుకోవడం ఎంతో ముఖ్యమని రెడ్క్రాస్ రాష్ట్ర పాలక మండలి సభ్యులు, సామాజిక వేత్త ఇ.వి. శ్రీనివాస్ రావు అన్నారు. అపోహలకు దూరంగా ఉండి, శాస్త్రీయమైన సమాచారాన్ని తెలుసుకొని ఆరోగ్యకరమైన జీవనశైలిని అలవర్చుకోవాలని ఆయన సూచించారు. ఆరోగ్యవంతమైన సమాజ నిర్మాణంలో యువత కీలక భాగస్వాములు కావాలని ఆయన పిలుపునిచ్చారు.
కార్యక్రమంలో పాల్గొన్నవారు
ఈ కార్యక్రమంలో ప్రభుత్వ టీబీ ఆసుపత్రి సూపరింటెండెంట్ డా. రవి, ఆర్ఎంఓ డా. వెంకట రమణ, డీటీసీఓ డా. ప్రదీప్ రెడ్డి, జిల్లా ప్రోగ్రామ్ మేనేజర్ స్వప్న మాధురి, డెమో అధికారులు అశోక్ రెడ్డి, రామకృష్ణ, కమలాకర్, హెల్త్ ఎడ్యుకేషన్ అధికారి శ్రీనివాస్, కౌన్సిలర్ రాపర్తి సురేష్, వైద్య సిబ్బంది, స్వచ్ఛంద సంస్థల ప్రతినిధులు తదితరులు పాల్గొన్నారు.
