నకిలీ మందుల రాకెట్పై ఈడీ దాడులు.. బెంగళూరులో ఐదు చోట్ల సోదాలు, రూ.9 లక్షల బ్యాంకు ఖాతాలు ఫ్రీజ్

దక్షిణ

కర్ణాటకలో నకిలీ మందుల తయారీ, విక్రయాల వ్యవహారంపై ఎన్ఫోర్స్మెంట్ డైరెక్టరేట్ (ఈడీ) దర్యాప్తు ముమ్మరం చేసింది. బెంగళూరు, పరిసర ప్రాంతాల్లో ఐదు చోట్ల సోదాలు నిర్వహించి, ఒక నిందితుడి బ్యాంకు ఖాతాలోని సుమారు రూ.9 లక్షలను ఫ్రీజ్ చేసింది. సాధారణ జనరిక్ మందులను ఖరీదైన విదేశీ బ్రాండ్ల మందులుగా రీప్యాకింగ్, రీలేబులింగ్ చేసినట్లు ఆరోపణలున్నాయి.

ఈడీ బెంగళూరు జోనల్ కార్యాలయ అధికారులు బెంగళూరు, పరిసర ప్రాంతాల్లో మొత్తం ఐదు ప్రదేశాల్లో సోదాలు చేపట్టారు. ఈ సందర్భంగా నిందితుల్లో ఒకరైన వీరేశ్ కుమార్కు చెందిన బ్యాంకు ఖాతాల్లో ఉన్న సుమారు రూ.9 లక్షలను ఫ్రీజ్ చేశారు. దర్యాప్తునకు సంబంధించిన డిజిటల్ పరికరాలు, ఆర్థిక రికార్డులు, ఇతర కీలక పత్రాలను స్వాధీనం చేసుకున్నారు.

గతంలో జరిగిన దాడి

ఈ కేసు బెంగళూరు జిల్లాలోని బీదడి సమీపంలోని సీకే తాండ్య గ్రామంలో జరిగిన దాడితో ప్రారంభమైంది. అప్పట్లో పోలీసులు, కర్ణాటక ఆహార భద్రతఔషధ నియంత్రణ శాఖ అధికారులు సంయుక్తంగా ఓ ఫామ్హౌస్పై దాడి చేశారు. అక్కడ సరైన లైసెన్సులు, అనుమతులు లేకుండా మందులను నిల్వ చేయడంతో పాటు వాటి లేబుళ్లను మార్చుతున్నట్లు గుర్తించారు. ఆ దాడిలో సుమారు రూ.4.91 కోట్ల విలువైన అనుమానాస్పద మందులు, ఇతర సామగ్రిని స్వాధీనం చేసుకున్నారు.

మనీలాండరింగ్ కోణంలో దర్యాప్తు

ఈ వ్యవహారంపై మనీలాండరింగ్ కోణంలో ఈడీ కేసు నమోదు చేసి దర్యాప్తు ప్రారంభించింది. ప్రధాన నిందితుడిగా పేర్కొంటున్న ఆర్. ప్రశాంత్ బీదడి సమీపంలోని ఫామ్హౌస్ను ఏర్పాటు చేసి, అక్కడ మందులను రీప్యాకింగ్, రీలేబులింగ్ చేయించినట్లు ఈడీ ఆరోపిస్తోంది. వివిధ రాష్ట్రాల నుంచి తక్కువ ధరకు సేకరించిన జనరిక్ మందులను కొత్త సీసాల్లో నింపి, వాటిపై ఫైజర్ సంస్థకు చెందిన ఖరీదైన యాంటీబయాటిక్స్ పేర్లతో లేబుళ్లు అంటించినట్లు దర్యాప్తులో వెల్లడైందని ఈడీ తెలిపింది. ముఖ్యంగా జావిసెఫ్టా (), ఎంబ్లావియో () పేర్లతో మందులను విక్రయించినట్లు ఆరోపణలు ఉన్నాయి.

సరఫరా వ్యవస్థపై అనుమానాలు

ఈ మందులను డీఎం ఫార్మాస్యూటికల్స్ ద్వారా క్రూపా హెల్త్కేర్కు సరఫరా చేసి, అక్కడి నుంచి ఇతర ఔషధ సంస్థలు, ఆసుపత్రులకు పంపిణీ చేసినట్లు ఈడీ అనుమానిస్తోంది. అసలైన మందులతో కలిపి వీటిని సరఫరా చేయడం ద్వారా అనుమానం రాకుండా చూసుకున్నట్లు దర్యాప్తు సంస్థ పేర్కొంది. ఈ నకిలీ మందుల సరఫరా వ్యవస్థలో ఇంకా ఎవరెవరు ఉన్నారు వాటిని ఏయే ఆసుపత్రులకు పంపించారు ఈ వ్యవహారంలో జరిగిన ఆర్థిక లావాదేవీలు ఎంత మేరకు ఉన్నాయి అనే అంశాలపై ఈడీ దర్యాప్తు కొనసాగిస్తోంది.

కర్ణాటకలో నకిలీ మందుల తయారీ, విక్రయాల వ్యవహారంపై ఎన్ఫోర్స్మెంట్ డైరెక్టరేట్ (ఈడీ) దర్యాప్తు ముమ్మరం చేసింది. బెంగళూరు, పరిసర ప్రాంతాల్లో ఐదు చోట్ల సోదాలు నిర్వహించి, ఒక నిందితుడి బ్యాంకు ఖాతాలోని సుమారు రూ.9 లక్షలను ఫ్రీజ్ చేసింది. సాధారణ జనరిక్ మందులను ఖరీదైన విదేశీ బ్రాండ్ల మందులుగా రీప్యాకింగ్, రీలేబులింగ్ చేసినట్లు ఆరోపణలున్నాయి.