మధిర నియోజకవర్గంలో ప్రారంభించిన ఇందిర మహిళా డెయిరీ పథకం అవినీతిమయమైందని సీపీఎం పార్టీ ఆరోపించింది. నాణ్యతలేని గేదెలను లబ్ధిదారులకు అంటగట్టడం వల్ల అనేక గేదెలు, దూడలు మృతి చెందాయని, ఈ వ్యవహారంపై కలెక్టర్ సమగ్ర విచారణ చేపట్టాలని సీపీఎం మండల కార్యదర్శి మద్దాల ప్రభాకరరావు డిమాండ్ చేశారు.
గ్రామీణ మహిళల ఆర్థిక సాధికారత లక్ష్యంగా ప్రారంభించిన ఇందిర మహిళా డెయిరీ పథకం అమలులో తీవ్ర అవకతవకలు చోటుచేసుకున్నాయని సీపీఎం ఆరోపించింది. పథకంలో చేరడానికి మహిళల నుండి రూ. 2,200 వసూలు చేసినా, నాణ్యతలేని గేదెలను అంటగట్టారని, దీనివల్ల అనేక గేదెలు, దూడలు మృతి చెందాయని పార్టీ నాయకులు తెలిపారు. పథకం అమలులో జాప్యం, రాజకీయ జోక్యం, ఇష్టానుసారంగా లబ్ధిదారుల ఎంపిక జరిగిందని సీపీఎం మండల కార్యదర్శి మద్దాల ప్రభాకరరావు విమర్శించారు. మధ్యవర్తుల జోక్యం, కొనుగోలు కేంద్రాల మార్పు, కమీషన్ల బేరసారాలతో లబ్ధిదారులకు సబ్సిడీ పోను రూ. 50 వేల నుండి రూ. 1,30,000 వరకు వసూలు చేసి, నాణ్యతలేని గేదెలను వారికి అంటగట్టారని ఆయన ఆరోపించారు.
ఇంటికి వచ్చాక గేదెలు పాలు ఇవ్వడం లేదని, అనారోగ్య పాలయ్యాయని, గేదెలు, దూడలు దారి మధ్యలోనే చనిపోతున్నాయని లబ్ధిదారులు ఆవేదన వ్యక్తం చేశారు. మృతి చెందిన గేదెలు, దూడలకు 100 పూర్తి ఇన్సూరెన్స్ వెంటనే చెల్లించాలని, నిబంధనలకు విరుద్ధంగా వ్యవహరించిన బాధ్యులపై కఠిన చర్యలు తీసుకోవాలని సీపీఎం నాయకులు డిమాండ్ చేశారు. ఈ విషయమై మండలం సీపీఎం పార్టీ మండల కార్యదర్శి మద్దాల ప్రభాకరరావు, మండల తాసిల్దార్ ఎలిజబెత్ కు వినతి పత్రం అందజేశారు. లబ్ధిదారులకు నాణ్యమైన గేదెలు అందేలా చూడాలని, వెంటనే కలెక్టర్ స్పందించి విచారణ చేపట్టాలని ఆయన కోరారు. ఈ కార్యక్రమంలో మండల కమిటీ సభ్యులు దూదిగం బసవయ్య, నాగులవంచ వెంకట్రామయ్య, నక్క పుల్లారావు తదితరులు పాల్గొన్నారు.
