హైదరాబాద్, 31 October
రాష్ట్రంలో ప్రభుత్వ భూములను కబ్జాల నుంచి రక్షించడంలో ప్రజా ప్రభుత్వం కీలక పాత్ర పోషించిందని, సుమారు రూ. 1.50 లక్షల కోట్ల విలువైన భూములను కాపాడినట్లు ముఖ్యమంత్రి ఎనుముల రేవంత్ రెడ్డి తెలిపారు. న్యాయస్థానాల్లో బలమైన వాదనలతో ఈ భూములను స్వాధీనం చేసుకున్నట్లు ఆయన వెల్లడించారు.
రాష్ట్రంలో ప్రజా ప్రభుత్వం అధికారంలోకి వచ్చిన తర్వాత, న్యాయస్థానాల్లో బలమైన వాదనలు వినిపించి సుమారు రూ. 1.50 లక్షల కోట్ల విలువైన ప్రభుత్వ భూములను ఆక్రమణలు, సుదీర్ఘ వివాదాల నుంచి కాపాడినట్లు ముఖ్యమంత్రి ఎనుముల రేవంత్ రెడ్డి స్పష్టం చేశారు. కబ్జాదారులు, ప్రైవేట్ వ్యక్తుల చేతుల్లోకి వెళ్లకుండా ప్రభుత్వం తిరిగి స్వాధీనం చేసుకున్న మరియు రక్షించిన భూముల వివరాలను ఆయన వెల్లడించారు.
ప్రభుత్వం కాపాడిన ప్రధాన భూములు
మియాపూర్: 550 ఎకరాలు (సుప్రీంకోర్టు తీర్పు ప్రభుత్వానికి అనుకూలంగా రాగా, దీని విలువ సుమారు రూ. 50,000 కోట్లు) ఐఎంజీ భారత్ భూములు (గచ్చిబౌలి, మామిడిపల్లి): 850 ఎకరాలు (సుమారు రూ. 40,000 కోట్ల విలువ) కొత్తగూడెం: 600 ఎకరాలు సాహెబ్నగర్ కలాన్: 140 ఎకరాలు మంచిరేవుల: 143 ఎకరాలు భూపాలపల్లి: 106 ఎకరాలు కొండాపూర్: 36 ఎకరాలు
కీలక అంశాలు ప్రభుత్వ ప్రాధాన్యతలు
నిధుల సమీకరణ - విద్య, సంక్షేమానికి వినియోగం: రక్షించిన భూములను అవసరమైన చోట నిబంధనల ప్రకారం లేఅవుట్లు వేసి విక్రయించడం లేదా పారదర్శకంగా వేలం వేయడం ద్వారా వచ్చే నిధులను రాష్ట్ర అభివృద్ధికి, విద్యావ్యవస్థ బలోపేతానికి మరియు ప్రజా సంక్షేమానికి ఉపయోగిస్తామని సీఎం ప్రకటించారు.
ప్రజా ప్రయోజనాలు: స్వాధీనం చేసుకున్న భూములను ప్రజా ప్రయోజనాలకే వినియోగిస్తున్నామని, అందులో భాగంగా మంచిరేవులలో కాపాడిన భూమిలో కొంత భాగాన్ని ఇప్పటికే యంగ్ ఇండియా స్కూల్ నిర్మాణం కోసం కేటాయించినట్లు పేర్కొన్నారు.
ఆక్రమణలపై కఠిన హెచ్చరిక: రాష్ట్రంలో ప్రభుత్వ భూమి ఒక్క ఇంచు కూడా ఆక్రమణకు గురికాకుండా చూస్తామని, ప్రభుత్వ ఆస్తులను కబ్జా చేయడానికి ప్రయత్నించే వారు ఎంతటి వారైనా ఉపేక్షించేది లేదని సీఎం స్పష్టం చేశారు.