మధిర మున్సిపాలిటీ పరిధిలోని 2వ వార్డులో, స్వర్ణ బార్ పక్కన ఉన్న రహదారి పరిస్థితి అత్యంత దారుణంగా మారిందని మాజీ కౌన్సిలర్ ఇక్బాల్, 9వ వార్డు పార్టీ ఇన్చార్జి ఆళ్ల నాగబాబు తీవ్ర ఆగ్రహం వ్యక్తం చేశారు. అండర్డ్రైనేజీ, ఇతర నిర్మాణ పనుల పేరుతో రహదారులను తవ్వి వదిలేయడంతో ప్రజలు నిత్యం తీవ్ర ఇబ్బందులు పడుతున్నారని తెలిపారు.
రాయికల్ మండలం ఉప్పు మడుగు గ్రామంలోని కౌన్సిల్ ఫర్ గ్రీన్ రెవల్యూషన్ ఆధ్వర్యంలో కేజీబీవీ పాఠశాలలో విద్యార్థులు పర్యావరణ పరిరక్షణపై అవగాహన కల్పించారు. మొక్కల ప్రాధాన్యతను తెలియజేస్తూ మదర్ ట్రీని ఏర్పాటు చేయడంతో పాటు, రక్షాబంధన్ సందర్భంగా చెట్లకు రాఖీలు కట్టారు.
జిల్లాలో చేపడుతున్న ఓటర్ల జాబితా సవరణ ప్రక్రియను అత్యంత పారదర్శకంగా, నిబంధనల మేరకు నిర్వహించాలని జిల్లా కలెక్టర్ బి. సత్యప్రసాద్ అధికారులను ఆదేశించారు. గురువారం ఇబ్రహీంపట్నం మండల కేంద్రంలో జరిగిన సర్ ముసాయిదా గ్రామసభలో ఆయన పాల్గొన్నారు.
జగిత్యాల జిల్లా ధర్మారం మండలంలోని ధర్మారం గ్రామపంచాయతీ పరిధిలో దోమల నివారణ చర్యలు ముమ్మరంగా చేపట్టారు. గ్రామపంచాయతీ సర్పంచ్ పరమాల సుమలత, మల్లేశం ఆధ్వర్యంలో మురుగు కాలువల్లో దోమల మందు స్ప్రే చేయడం జరిగింది. ఈ కార్యక్రమం ద్వారా దోమల వ్యాప్తిని అరికట్టి, ప్రజల ఆరోగ్యాన్ని కాపాడాలని లక్ష్యంగా పెట్టుకున్నారు.
జగిత్యాల జిల్లా రూరల్ మండలంలోని నర్సింగాపూర్ గ్రామపంచాయతీలో గ్రామసభ నిర్వహించారు. ఈ కార్యక్రమంలో ఎలక్షన్ కమిషన్ ఆఫ్ ఇండియా స్పెషల్ డిప్యూటీ కలెక్టర్ ప్రసన్న గారు ముఖ్య అతిథిగా పాల్గొని, ఓటర్లకు, కొత్త ఓటరు జాబితాపై అవగాహన కల్పించారు. గ్రామ సర్పంచ్ కొక్కునూరు వంశీ అధ్యక్షత వహించారు.
తెలంగాణ మోడల్ స్కూల్, మునగాలలో విద్యార్థులకు పాఠశాల యూనిఫాంలు, వర్క్బుక్స్ పంపిణీ కార్యక్రమం గురువారం ఘనంగా జరిగింది. ఈ కార్యక్రమానికి ముఖ్య అతిథిగా మండల విద్యాధికారి (ఎంఈఓ) పి. వెంకటేశ్వర్లు హాజరై విద్యార్థులకు విద్యా సామగ్రిని అందజేశారు.
భూపాలపల్లి మైన్స్ అసిస్టెంట్ డైరెక్టర్ (ఏడీ) బొజ్జ జయరాజ్ అక్రమ ఆస్తులు కలిగి ఉన్నారన్న పక్కా సమాచారంతో అవినీతి నిరోధక శాఖ (ఏసీబీ) అధికారులు ఉదయం నుంచి ఏకకాలంలో సోదాలు నిర్వహిస్తున్నారు. హైదరాబాద్లోని ఆయన నివాసంతో పాటు రాష్ట్రవ్యాప్తంగా పలు ప్రాంతాల్లో ఈ తనిఖీలు ముమ్మరంగా కొనసాగుతున్నాయి.
రక్షాబంధన్ పండుగ సందర్భంగా రాజన్న సిరిసిల్ల జిల్లా కేంద్రంలోని ప్రధాన మార్కెట్లు కొనుగోలుదారులతో సందడిగా మారాయి. సోదరసోదరీమణుల అనుబంధానికి ప్రతీకగా జరుపుకునే ఈ పండుగ సందర్భంగా పట్టణంలోని మార్కెట్ ఏరియా, పెద్దబజార్, ప్రధాన కూడళ్లు, పరిసర ప్రాంతాల్లో ప్రత్యేకంగా ఏర్పాటు చేసిన రాఖీ దుకాణాలు కొనుగోలుదారులతో కిటకిటలాడాయి.
మధిరలో సేవా కార్యక్రమాలే లక్ష్యంగా నూతనంగా ఏర్పాటు కానున్న హర్షికేతన్ ఫౌండేషన్ ప్రారంభోత్సవానికి జిల్లా కలెక్టర్ దివాకర్ గారికి ఫౌండేషన్ వ్యవస్థాపకులు కూరపాటి సురేష్ చమార్ గారు ఘనంగా ఆహ్వానం పలికారు. కలెక్టర్ దివాకర్ ఈ సేవా కార్యక్రమ ఆలోచనను అభినందించారు.
మధిర మున్సిపాలిటీ పరిధిలోని ఇల్లెందులపాడులో బుధవారం స్మార్ట్ రేషన్ కార్డుల పంపిణీ కార్యక్రమం ఘనంగా జరిగింది. ఈ కార్యక్రమానికి ముఖ్య అతిథిగా హాజరైన మధిర మున్సిపల్ చైర్పర్సన్ సామినేని సుజాత, స్థానిక నాయకులతో కలిసి లబ్ధిదారులకు స్మార్ట్ రేషన్ కార్డులను అందజేశారు. అర్హులైన ప్రతి పేద కుటుంబానికి సంక్షేమ ఫలాలు అందించడమే ప్రభుత్వ లక్ష్యమని ఆమె తెలిపారు.
ప్రధాని నరేంద్రమోడీ మేక్ ఇన్ ఇండియా పిలుపునిచ్చినప్పటికీ, భారత్ పారిశ్రామిక రంగంలో ఆశించిన పురోగతి సాధించలేకపోతోందని, ప్రపంచ ఫ్యాక్టరీగా చైనా దూసుకుపోతుంటే భారత్ వెనుకబడి ఉందని విశ్లేషకులు అభిప్రాయపడుతున్నారు. 2014లో ప్రారంభమైన మేక్ ఇన్ ఇండియా కార్యక్రమం ఇప్పటికీ అడుగు ముందుకు వేయలేదని, మాటలు కోటలు దాటుతున్నాయే తప్ప చేతలు గడపదాటడం లేదని విమర్శలు వస్తున్నాయి. దేశీయ ఉత్పత్తి, ఎగుమతులపై దృష్టి సారించాల్సిన అవసరం ఎంతైనా ఉందని నిపుణులు సూచిస్తున్నారు.
దేశ భద్రతకు అత్యంత కీలకమైన క్షిపణుల తయారీని కూడా ప్రయివేట్ కంపెనీలకు అప్పగించేందుకు కేంద్రంలోని మోడీ ప్రభుత్వం నిర్ణయం తీసుకుంది. ఆత్మనిర్భర్ భారత్ అనే నినాదాల నేపథ్యంలో ఈ నిర్ణయం వెలువడటం, ప్రభుత్వ రంగ సంస్థలను బలోపేతం చేయాల్సిన చోట వాటితోనే ప్రయివేట్ కంపెనీలను పోటీకి దింపడం వంటి పరిణామాలు అనేక ప్రశ్నలకు దారితీస్తున్నాయి.
2047 నాటికి అభివృద్ధి చెందిన భారత్గా ఎదగాలంటే దేశ అంతర్గత భద్రత మరింత బలోపేతం కావాలని కేంద్ర హోంమంత్రి అమిత్ షా అన్నారు. అక్రమ చొరబాట్లు, ఉగ్రవాదం, మాదకద్రవ్యాల అక్రమ రవాణా, సైబర్ ముప్పులు వంటి సవాళ్లను ముందుగానే గుర్తించి అడ్డుకోవాల్సిన అవసరం ఉందని ఆయన చెప్పారు.
తెలంగాణ కాంగ్రెస్ రాజకీయాల్లో కొండా దంపతుల అంశం తీవ్ర చర్చనీయాంశంగా మారిన నేపథ్యంలో, ఉప ముఖ్యమంత్రి భట్టి విక్రమార్కతో కొండా మురళి ప్రత్యేకంగా సమావేశమయ్యారు. ఎమ్మెల్యే కోమటిరెడ్డి రాజగోపాల్ రెడ్డి చొరవతో ఈ భేటీ జరిగినట్లు సమాచారం.
విశాఖపట్నం గాజువాకలో వరలక్ష్మీ వ్రతం సందర్భంగా అమ్మవారికి అలంకరించిన బంగారు నగలు అనుకోకుండా డ్రైనేజీ కాలువలో పడిపోయాయి. సుమారు 5 తులాల బరువున్న ఈ నగలను పోలీసులు చాకచక్యంగా వెలికితీసి యజమానులకు అప్పగించారు. ఈ ఘటన ఆలస్యంగా వెలుగులోకి వచ్చింది.
సామాజిక దూరం, ఒంటరితనం వల్ల మనుషుల్లో మానసిక మార్పులు వస్తాయి. ఒంటరితనం అనుభవించే పురుషుల్లో మద్యం తాగే అలవాటు పెరగడానికి గల కారణాన్ని శాస్త్రవేత్తలు తాజా అధ్యయనంలో గుర్తించారు. మెదడులోని ఒక నిర్దిష్ట నాడీ మార్గం అధికంగా చురుకుగా మారడం వల్లే పురుషులు ఒంటరితనంలో ఎక్కువగా మద్యానికి బానిసలవుతున్నారని నార్త్వెస్టర్న్ యూనివర్సిటీ పరిశోధకులు తెలిపారు.
నేపాల్ను అతలాకుతలం చేస్తున్న ఆకస్మిక వరదల్లో 105 మంది భారత పౌరులు గల్లంతైనట్లు నివేదికలు వెలువడ్డాయి. ఈ నేపథ్యంలో, నేపాల్లోని భారత రాయబార కార్యాలయం సహాయక చర్యల కోసం అత్యవసర హెల్ప్లైన్ నంబర్లను విడుదల చేసింది.
కామారెడ్డి జిల్లా, బాన్సువాడ నియోజకవర్గం, బీర్కూర్ మండలంలో నూతనంగా ఎన్నికైన సర్పంచుల ఫోరం అధ్యక్షులు, ఉపాధ్యక్షులు, ప్రధాన కార్యదర్శులకు కాంగ్రెస్ పార్టీ ఆధ్వర్యంలో ఘన సన్మానం జరిగింది. ఈ కార్యక్రమంలో పలువురు నాయకులు, కార్యకర్తలు పాల్గొన్నారు.
రాయికల్ మండలంలోని కుమ్మరిపెల్లి ప్రాథమిక పాఠశాల ఉపాధ్యాయులు కడకుంట్ల అభయ్ రాజ్, తెలంగాణ రాష్ట్ర ప్రభుత్వం నిర్వహిస్తున్న విదేశీ విద్యా అధ్యయన కార్యక్రమంలో భాగంగా సింగపూర్ దేశ పర్యటనకు ఎంపికయ్యారు. సెప్టెంబర్ 19 నుండి 26 వరకు జరిగే ఈ పర్యటనలో సింగపూర్ లోని ఉత్తమ బోధనా విధానాలను పరిశీలించి, ప్రభుత్వానికి నివేదిక సమర్పించనున్నారు.
ఉద్యోగ, ఉపాధ్యాయుల సమస్యల పరిష్కారం కోరుతూ సెప్టెంబర్ 1న హైదరాబాద్లో మహా ధర్నా నిర్వహించనున్నట్లు పీఆర్టీయూ టిఎస్ జిల్లా నాయకులు ప్రకటించారు. రాయికల్లో జరిగిన మండల శాఖ సమావేశంలో ఈ నిర్ణయం తీసుకున్నారు.