విజయదశమి సందేశం: విజిగీషు ప్రవృత్తి, సంఘటిత శక్తే అసలైన విజయం - పద్మా రెడ్డి

విజయదశమి మనకు ప్రధానంగా రెండు విషయాలను ప్రబోధిస్తుందని, అవి విజిగీషు ప్రవృత్తి (ఎల్లప్పుడూ విజయం సాధించాలనే సంకల్పం) మరియు సంఘటిత శక్తి అని ఆయన తెలిపారు. కష్ట సమయాల్లో కృంగిపోకుండా సరైన నిర్ణయాలు తీసుకోవడమే సంక్షోభ నిర్వహణ (క్రైసిస్ మేనేజ్మెంట్) అని, మహాభారతంలో అర్జునుడి ఆవేశాన్ని కృష్ణుడు దారిమళ్లించిన విధానం, నాగపాశ బంధన సమయంలో హనుమంతుడు గరుత్మంతుడిని రప్పించిన సమయస్ఫూర్తి ఇందుకు గొప్ప ఉదాహరణలని ఆయన వివరించారు. ప్రపంచం ఎల్లప్పుడూ శక్తి ముందు తలవంచుతుందని ఆయన స్పష్టం చేశారు. దైవానుగ్రహం, భౌతిక బలం ఉన్న రావణుడిని శ్రీరామచంద్రుడు అడవిలోని వానరులను సంఘటితం చేసి ఓడించారని ఆయన గుర్తుచేశారు. అలాగే మహిషాసురుడిని సంహరించడానికి దేవతలందరూ తమ శక్తులను ఏకం చేసి జగన్మాతకు ఇవ్వడం ద్వారా సమష్టి శక్తి ఆవిర్భవించిందని ఆయన తెలిపారు. చరిత్రలో మనం పరాయి పాలనలోకి వెళ్లడానికి కారణం సమాజంలో ఐక్యత లోపించడమేనని ఆయన గుర్తుచేశారు. బ్రహ్మ, విష్ణువులు స్వజనులైన మధుకైటభులను అధర్మం వైపు ఉన్నందుకు సంహరించారని, కానీ మన చరిత్రలో జయసింహుడు, మానసింహుడు వంటి స్వజనులే శత్రువులకు బాసటగా నిలవడం వల్ల జాతి పరాభవం ఎదుర్కొందని ఆయన ఆవేదన వ్యక్తం చేశారు. అదే సమయంలో చంద్రగుప్తుడు-చాణక్యులు, ఛత్రపతి శివాజీ సమష్టి శక్తిని కూడగట్టి విజయాలు సాధించారని ఆయన తెలిపారు.

ఇలాంటి చారిత్రక అవసరాన్ని గుర్తించే డాక్టర్ కేశవరావ్ బలీరామ్ హెడ్గేవార్ గారు విజయదశమి పర్వదినాన రాష్ట్రీయ స్వయంసేవక్ సంఘాన్ని () స్థాపించారని ఆయన పేర్కొన్నారు. సంఘే శక్తిః కలౌయుగే అనే సూక్తిని గుర్తుచేస్తూ, వ్యక్తి నిర్మాణం ద్వారా, మనం అనే కుటుంబ భావనతో సమాజంలో సమైక్యతను నింపినప్పుడే హిందూ సమాజం శక్తిమంతంగా మారుతుందని, అదే విజయదశమికి అసలైన శక్తిపూజ అని ఆయన పిలుపునిచ్చారు. ఈ కార్యక్రమంలో సుమారు 100 మంది స్వయం సేవకులు పాల్గొన్నారు. సంఘటిత శక్తితోనే హిందూ సమాజం శక్తిమంతంగా మారుతుందని, అదే విజయదశమికి అసలైన శక్తిపూజ అని ఆయన పిలుపునిచ్చారు.