నమోదు, 4 నవంబర్ 2026
దేశంలోని పలు ప్రాంతాల్లో వాయు కాలుష్యం తీవ్రత పెరుగుతున్న నేపథ్యంలో, దాని ప్రభావంతో ప్రజలకు ఎదురవుతున్న ఆరోగ్య సమస్యలపై కేంద్ర ప్రభుత్వం ప్రత్యేక దృష్టి సారించింది. కాలుష్యం కారణంగా వచ్చే శ్వాసకోశ, గుండె సంబంధిత వ్యాధులను గుర్తించేందుకు ఆసుపత్రుల్లో ప్రత్యేక పర్యవేక్షణ వ్యవస్థను బలోపేతం చేయాలని రాష్ట్రాలు, కేంద్రపాలిత ప్రాంతాలకు కేంద్ర ఆరోగ్యశాఖ సూచించింది.
ఈ మేరకు, ఆసుపత్రులు కాలుష్య సంబంధిత అనారోగ్య లక్షణాలతో వచ్చే రోగుల వివరాలను క్రమబద్ధంగా నమోదు చేయాలని, వ్యాధుల వర్గీకరణకు ప్రపంచ ఆరోగ్య సంస్థ () రూపొందించిన అంతర్జాతీయ వ్యాధుల వర్గీకరణ కోడ్లను ఉపయోగించాలని సూచించినట్లు తాజా నివేదికలు వెల్లడించాయి.
ప్రత్యేక క్లినిక్లలో రోగుల వివరాల నమోదు
జిల్లా ఆసుపత్రులు, వైద్య కళాశాల ఆసుపత్రుల్లో నిర్వహిస్తున్న ఛాతీ సంబంధిత ఆరోగ్య పరీక్షలు, చికిత్స కేంద్రాలు ( క్లినిక్లు) రోజువారీ రోగుల వివరాలను నమోదు చేయాల్సి ఉంటుంది. కాలుష్యానికి గురైనప్పటికీ లక్షణాలు లేని వ్యక్తులు, శ్వాస సమస్యలతో బాధపడుతున్నవారు, ఇతర కాలుష్య సంబంధిత అనారోగ్యాలతో వచ్చినవారి వివరాలను వేర్వేరుగా నమోదు చేయాలని సూచించారు.
ఈ సమాచారాన్ని జిల్లా, రాష్ట్ర ఆరోగ్యశాఖలకు పంపించాలి. అనంతరం జాతీయ వ్యాధి నియంత్రణ కేంద్రం ()కు నెలవారీ నివేదికలు అందేలా వ్యవస్థను రూపొందించాలని కేంద్రం ఆదేశించింది.
పిల్లలు, వృద్ధుల ఆరోగ్యంపై ప్రత్యేక శ్రద్ధ
వాయు కాలుష్యం వల్ల ఆస్తమా, దీర్ఘకాలిక శ్వాసకోశ సమస్యలు, గుండె సంబంధిత వ్యాధులు తీవ్రతరం కావచ్చని వైద్య నిపుణులు హెచ్చరిస్తున్నారు. ముఖ్యంగా చిన్నపిల్లలు, వృద్ధులు, ఇప్పటికే శ్వాసకోశ లేదా గుండె సమస్యలతో బాధపడుతున్నవారిపై కాలుష్య ప్రభావం ఎక్కువగా ఉండే అవకాశం ఉంది. ప్రత్యేక క్లినిక్ల ద్వారా రోగులను ముందుగానే గుర్తించడం, అవసరమైన చికిత్స అందించడం, ఆరోగ్య సలహాలు ఇవ్వడం ఈ చర్యల ప్రధాన లక్ష్యం.
ఢిల్లీలో పెరుగుతున్న కాలుష్య ఆందోళనలు
ఢిల్లీ ప్రాంతంలో వాయు నాణ్యత సూచీ () 300 దాటడంతో పరిస్థితి వెరీ పూర్ స్థాయికి చేరింది. కొన్ని ప్రాంతాల్లో కాలుష్యం మరింత తీవ్రంగా నమోదైంది. ఈ నేపథ్యంలో, కాలుష్య నియంత్రణ చర్యలతో పాటు ఆరోగ్యపరమైన ప్రభావాలను కూడా శాస్త్రీయంగా నమోదు చేయాల్సిన అవసరం ఏర్పడింది. వాయు కాలుష్యాన్ని కేవలం పర్యావరణ సమస్యగా కాకుండా ప్రజారోగ్య సమస్యగా పరిగణిస్తూ కేంద్రం చేపట్టిన ఈ చర్యలు, భవిష్యత్తులో వ్యాధుల గుర్తింపు, చికిత్స, నివారణ విధానాలకు ఉపయోగపడే అవకాశం ఉంది.
దేశంలో వాయు కాలుష్యం పెరుగుతున్న నేపథ్యంలో, దాని ప్రభావంతో ప్రజలకు ఎదురవుతున్న ఆరోగ్య సమస్యలపై కేంద్ర ప్రభుత్వం ప్రత్యేక దృష్టి సారించింది. కాలుష్యం కారణంగా వచ్చే శ్వాసకోశ, గుండె సంబంధిత వ్యాధులను గుర్తించేందుకు ఆసుపత్రుల్లో ప్రత్యేక పర్యవేక్షణ వ్యవస్థను బలోపేతం చేయాలని రాష్ట్రాలు, కేంద్రపాలిత ప్రాంతాలకు కేంద్ర ఆరోగ్యశాఖ సూచించింది. రోగుల వివరాలను క్రమబద్ధంగా నమోదు చేయాలని, కోడ్లను ఉపయోగించాలని ఆదేశించింది.
