Khammam/Madhira (ధర్మ రథం) సెప్టెంబర్ 10
తెలంగాణ అసెంబ్లీ తొలిరోజే మహిళా ప్రజాప్రతినిధులపై జరిగిన దాడిపై నాయకులు తీవ్రంగా మండిపడ్డారు. ఈ ఘటనను కాంగ్రెస్ ప్రభుత్వానికి సిగ్గుచేటుగా అభివర్ణించారు. దాడికి పాల్పడిన వారిపై కఠిన చర్యలు తీసుకోవాలని డిమాండ్ చేశారు.
అసెంబ్లీ తొలిరోజే మహిళా ప్రజాప్రతినిధులపై దాడి.. కాంగ్రెస్ ప్రభుత్వానికి సిగ్గుచేటు! మాజీ మంత్రి, BRS LP నాయకురాలు, మహేశ్వరం ఎమ్మెల్యే శ్రీమతి సబితా ఇంద్రారెడ్డి గారు, ఎమ్మెల్యే సునీత గారు, మాజీ ఎమ్మెల్యే సత్యవతి రాథోడ్ గారు సైఫాబాద్ పోలీస్ స్టేషన్‌కు వెళ్లి, తమపై దాడికి పాల్పడిన వారిని వెంటనే అరెస్ట్ చేసి కఠిన చర్యలు తీసుకోవాలని ఫిర్యాదు చేశారు. ఈ సందర్భంగా సబితా ఇంద్రారెడ్డి గారు తీవ్రంగా స్పందిస్తూ.. “ఆ రోజు మాపై జరిగిన దాడిని మర్చిపోయే ప్రసక్తే లేదు. ప్రజల తరఫున అసెంబ్లీలో ప్రశ్నించడానికి వెళ్తున్న మహిళా ప్రజాప్రతినిధులపైనే దాడికి పాల్పడటం అత్యంత దుర్మార్గం. మహిళా ఎమ్మెల్యేలపై దాడి చేసి, అవమానించిన వారిని కాపాడాలని చూస్తే ప్రజలు క్షమించరు. పోలీసులకు ఫిర్యాదు చేశాం.. దాడికి పాల్పడిన వారిని వెంటనే అరెస్ట్ చేసి చట్టపరంగా కఠిన చర్యలు తీసుకోవాలి.” అధికారం శాశ్వతం కాదు.. ప్రజాస్వామ్యాన్ని అణచివేసే ఈ అహంకారానికి ప్రజలే తగిన సమాధానం చెబుతారు. మహిళా నాయకులపై దాడులు చేస్తే BRS చూస్తూ ఊరుకోదు — న్యాయం జరిగే వరకు మా పోరాటం కొనసాగుతుంది! అని సబితఇంద్రరెడ్డి గారు అన్నారు….
