రాయికల్, 9 September
మండలంలోని ఇటిక్యాల గ్రామ సహకార పరపతి సంఘం (సింగిల్ విండో) చైర్మన్ పదవి ఎంపికపై ఉత్కంఠ నెలకొంది. ఈ పదవికి మరిపెళ్లి శ్రీనివాస్ గౌడ్ పేరు ప్రముఖంగా వినిపిస్తోంది. ఆయనకు చైర్మన్ పదవి దక్కే అవకాశాలు మెండుగా ఉన్నాయని ఆయన వర్గీయులు చెబుతున్నారు.
ఇటిక్యాల సింగిల్ విండో చైర్మన్ గా మరిపెళ్లి శ్రీనివాస్ గౌడ్? మండలంలోని ఇటిక్యాల గ్రామ సహకార పరపతి సంఘం (సింగిల్ విండో ) చైర్మన్ పదవి ఎవరికి దక్కుతుందనే దానిపై గ్రామంలో ఉత్కంఠ నెలకొంది. ఈ క్రమంలో మరిపెళ్లి శ్రీనివాస్ గౌడ్ పేరు ప్రముఖంగా వినిపిస్తోంది.గత కొంతకాలంగా పార్టీ కార్యక్రమాల్లో చురుకుగా పాల్గొంటూ, రైతులకు అందుబాటులో ఉంటున్న శ్రీనివాస్ గౌడ్ కు ఈసారి చైర్మన్ పదవి దక్కే అవకాశాలు మెండుగా ఉన్నాయని ఆయన వర్గీయులు చెబుతున్నారు. సింగిల్ విండో ద్వారా రైతులకు ఎరువులు, విత్తనాలు, రుణాలు అందడంలో కీలక పాత్ర ఉంటుంది. అందుకే ఈ పదవికి అధిక ప్రాధాన్యత ఉంది.మరోవైపు పదవి కోసం మరికొందరు నాయకులు కూడా తీవ్రంగా ప్రయత్నిస్తున్నట్లు సమాచారం. అయితే అధిష్టానం ఎవరిని ఎంపిక చేస్తుందనేది ఆసక్తికరంగా మారింది. నాయకత్వం నుండి గ్రీన్ సిగ్నల్ రాగానే అధికారిక ప్రకటన వెలువడనుంది.ప్రస్తుతం మండల వ్యాప్తంగా "ఇటిక్యాల చైర్మన్ గా మరిపెళ్లి శ్రీనివాస్ గౌడ్?" అనే చర్చ జోరుగా సాగుతోంది.
