తెలంగాణ రాజకీయాల్లో కాంగ్రెస్, బీఆర్ఎస్ పార్టీల మధ్య మాటల యుద్ధం మళ్లీ మొదలైంది. కాంగ్రెస్ అగ్రనేత సోనియా గాంధీ రచించిన : ఆత్మకథలో తెలంగాణ రాష్ట్ర ఏర్పాటు ప్రస్తావన లేకపోవడంపై బీఆర్ఎస్ వర్కింగ్ ప్రెసిడెంట్ కేటీఆర్ ప్రశ్నలు సంధించారు.
తెలంగాణ రాష్ట్ర ఏర్పాటులో సోనియా గాంధీ కీలక పాత్ర పోషించారని కాంగ్రెస్ నేతలు పదేపదే చెబుతున్నారని, అయితే ఆమె ఆత్మకథలో తెలంగాణ ప్రస్తావన ఎందుకు లేదని కేటీఆర్ ప్రశ్నించారు. ఈ విషయంపై తెలంగాణ కాంగ్రెస్ నేతలు సమాధానం చెప్పాలని కేటీఆర్ డిమాండ్ చేశారు.
కేటీఆర్ విమర్శలు
ఇదే కాకుండా, మాజీ ప్రధాని పీవీ నరసింహారావుపై కాంగ్రెస్ పార్టీ ఇప్పుడు చూపిస్తున్న అభిమానాన్ని కూడా కేటీఆర్ ప్రశ్నించారు. ముఖ్యమంత్రి రేవంత్ రెడ్డి వ్యవహారశైలిపైనా కేటీఆర్ విమర్శలు గుప్పించారు. రాష్ట్ర ఆత్మగౌరవం కంటే గాంధీ కుటుంబానికి, కాంగ్రెస్ అధిష్ఠానానికి ప్రాధాన్యత ఇస్తున్నారని కేటీఆర్ ఆరోపించారు.
తెలంగాణ రాష్ట్ర ఏర్పాటు, సోనియా గాంధీ పాత్ర, కాంగ్రెస్ రాజకీయాల చుట్టూ కేటీఆర్ చేసిన వ్యాఖ్యలు రాష్ట్ర రాజకీయాల్లో కొత్త చర్చకు తెరలేపాయి.






