వినాయక చవితి పండుగ సమీపిస్తున్న , సూర్యాపేట జిల్లా బరాకత్ గూడెం గ్రామంలో వినాయక విగ్రహాల తయారీ పనులు జోరుగా సాగుతున్నాయి. వివిధ ఆకృతులు, పరిమాణాలు, ప్రత్యేక అలంకరణలతో గణపతి విగ్రహాలను తయారు చేస్తూ, కళాకారులు భక్తులను ఆకట్టుకునేలా ఏర్పాట్లు చేస్తున్నారు.
పదేళ్ల కేసీఆర్ పాలనలో రైతన్నలు సుభిక్షంగా ఉన్నారని, కానీ కాంగ్రెస్ వెయ్యి రోజుల పాలనలో రైతులు గోస పడుతున్నారని బీఆర్ఎస్ పార్టీ నియోజకవర్గ ఇంచార్జి చల్మెడ లక్ష్మీనరసింహారావు అన్నారు. రైతులకు ఇచ్చిన హామీలను నెరవేర్చేదాకా బీఆర్ఎస్ పార్టీ ఆధ్వర్యంలో పోరాటం చేస్తామని ఆయన తెలిపారు. కథలాపూర్ లో జరిగిన రైతు సభలో ఆయన మాట్లాడారు.
మండలం గణపవరం గ్రామంలో ముత్యాలమ్మ పండుగను భక్తిశ్రద్ధలతో ఘనంగా నిర్వహించేందుకు గ్రామ ప్రజలు సిద్ధమయ్యారు. పండుగ సందర్భంగా మహిళలు సంప్రదాయబద్ధంగా బోనాలు సమర్పించి అమ్మవారిని కొలవనున్నారు. ఆలయ పరిసరాలను ప్రత్యేకంగా అలంకరిస్తున్నారు.
రాష్ట్రవ్యాప్తంగా రేపు జరగనున్న కృష్ణాష్టమి వేడుకలను పురస్కరించుకుని, సాయి గాయత్రి విద్యాలయంలో నేడే ఘనంగా వేడుకలు నిర్వహించారు. పాఠశాలకు సెలవు దినం కావడంతో ముందుగానే ఈ కార్యక్రమాన్ని ఏర్పాటు చేశారు. చిన్ని కృష్ణుడు, గోపికల వేషధారణలో విద్యార్థులు ఉత్సాహంగా పాల్గొన్నారు.
మండలం భూషణరావుపేట గ్రామంలోని ప్రభుత్వ ప్రైమరీ పాఠశాల విద్యార్థులకు అంబేద్కర్ ఆశయ సాధన సమితి ఆధ్వర్యంలో యూనిఫామ్ వితరణ కార్యక్రమం జరిగింది. ఈ కార్యక్రమానికి ముఖ్యఅతిథిగా మండల ఎస్సై సిహెచ్ రవి కిరణ్ హాజరయ్యారు.
శాయంపేట మండలంలోని పత్తిపాక గ్రామానికి చెందిన శాగంటి స్వామికి, ఉమ్మడి జిల్లా లయన్స్ క్లబ్ ఉత్తమ ఉపాధ్యాయ అవార్డును ప్రకటించింది. 25 సంవత్సరాలుగా విద్యారంగంలో ఆయన అందించిన విశేష సేవలందించినందుకు ఈ పురస్కారం లభించింది.
జిల్లా కార్మిక శాఖ బీడీ కార్మికులకు పెన్షన్ అర్హతలపై కీలక ప్రకటన చేసింది. పీఎఫ్ కట్ అవుతున్న కార్మికులకు మాత్రమే పెన్షన్ వర్తిస్తుందని, రోజుకు 1000 బీడీలు తయారు చేయడంతో పాటు నెలలో 16 రోజులు పనిచేయాలని నిబంధనలు విధించింది.
ప్రధాన మంత్రి నరేంద్ర మోడీ పిలుపునిచ్చిన సేవ సంకల్ప్ కార్యక్రమంలో భాగంగా జగిత్యాల జిల్లాలో నిర్వహించిన కార్యశాలలో బీజేపీ రాష్ట్ర, జిల్లా స్థాయి నాయకులు పాల్గొన్నారు. ఈ కార్యక్రమం 25 సంవత్సరాల సేవ అంకితభావాన్ని స్మరించుకుంటూ నిర్వహించబడింది.
జిల్లా రాయికల్ లో బీఆర్ఎస్ ఆధ్వర్యంలో భారీ ర్యాలీ నిర్వహించారు. కాంగ్రెస్ ప్రభుత్వం ఎన్నికల ముందు ప్రజలకు ఇచ్చిన హామీలను నెరవేర్చాలని డిమాండ్ చేస్తూ ఈ ర్యాలీ చేపట్టారు. ఈ కార్యక్రమంలో పార్టీ ముఖ్య నాయకులు పాల్గొన్నారు.
తిరుమల శ్రీవారి లడ్డూ ప్రసాదం తయారీలో కల్తీ నెయ్యి వాడకంపై సీబీఐ సమాచారం మేరకు, తితిదే శ్రీవారి ఆలయ డిప్యూటీ ఈవో మొండు లోకనాథం ఇంట్లో అవినీతి నిరోధక శాఖ (ఏసీబీ) అధికారులు సోదాలు నిర్వహించారు. ఆయన ఆదాయానికి మించి ఆస్తులు కూడబెట్టినట్లు ఏసీబీ గుర్తించింది. బుధవారం ఉదయం నుంచి జరిగిన ఈ సోదాల్లో సుమారు రూ. 5 కోట్ల విలువైన ఆస్తులు బయటపడ్డాయి.
జగిత్యాల మండలం, లక్ష్మీపూర్ గ్రామానికి చెందిన రైతు పన్నాల తిరుపతి రెడ్డి (సింగాపూర్ తిరుపతి రెడ్డి) దేశవాళి ఆవుల పెంపకంలో నష్టాలు వస్తున్నప్పటికీ, గోసేవనే లక్ష్యంగా దాదాపు 100 గిర్, సాహివాల్ వంటి దేశవాళి ఆవులను పెంచుతున్నారు. మూగజీవుల సంరక్షణ తన బాధ్యతగా భావిస్తూ ఆయన ఈ పని చేస్తున్నారు.
గత ఏడాది కాలంలో కోడిగుడ్ల ధరలు 35-40 శాతం పెరిగాయి. ప్రస్తుతం ఫామ్ స్థాయిలో రూ.7 చొప్పున, రిటైల్లో రూ.8.50 నుండి రూ.9 వరకు చేరాయి. చలికాలంలో ధరలు మరింత పెరిగే అవకాశం ఉందని అంచనా.
తెలంగాణలో 30 లక్షల మంది విద్యార్థులకు సంబంధించిన 14 వేల కోట్ల రూపాయల బకాయిలను ప్రభుత్వం వెంటనే విడుదల చేయాలని ధర్మ సమాజ్ పార్టీ, , , జేఏసీ నాయకులు జగిత్యాల జిల్లా మండల తాసిల్దార్ జి. రమేష్ను కలిసి వినతిపత్రం అందజేశారు.
రాష్ట్ర అభివృద్ధి, ప్రజల సంక్షేమం కోసం కూటమి ప్రభుత్వం నిరంతరం కృషి చేస్తుందని కొత్తపేట ఎమ్మెల్యే బండారు సత్యానందరావు అన్నారు. గురువారం పలివెలలో ఆయన 161 మంది లబ్ధిదారులకు రెండు సెంట్ల చొప్పున ఇళ్ల స్థలాలను ఆర్డీఓ సత్యనారాయణ, రాష్ట్ర బీసీ ఫైనాన్స్ కార్పొరేషన్ చైర్మన్ రెడ్డి అనంత కుమారి, కొత్తపేట మార్కెట్ యార్డ్ చైర్మన్ పల్లి మంగాదేవి భీమారావు తదితరులతో కలిసి పంపిణీ చేశారు.
కోరుట్ల నియోజకవర్గ బీజేపీ ఇంచార్జి, రాష్ట్ర కార్యవర్గ సభ్యులు డాక్టర్ అనూప్ రావు, ఇటీవల వీర హనుమాన్ విజయయాత్రలో గాయపడిన ఒక కార్యకర్తకు అండగా నిలిచారు. ఆయన సేవా నిరతికి నిదర్శనంగా నిలిచిన ఈ సంఘటన అందరి మన్ననలు పొందింది.
లక్ష్మి పూర్ పరస్పర సహకార సంఘం నూతనంగా ఎన్నికైన చైర్మన్ సంగెపు తిరుపతి రెడ్డి, కార్యవర్గ సభ్యులు ఎమ్మెల్యేను మర్యాదపూర్వకంగా కలవడం జరిగింది. ఎమ్మెల్యే నూతన కార్యవర్గ సభ్యులకు అభినందనలు తెలిపారు.
పదేళ్ల బీఆర్ఎస్ పాలనలో ప్రజలకు ఏం దక్కిందని, ఇప్పుడు అధికారం కోల్పోయిన తర్వాత కూడా కేసులు, బెదిరింపులతో ప్రజలను తప్పుదోవ పట్టించే ప్రయత్నాలు చేస్తే ప్రజలు నమ్మే పరిస్థితి లేదని కాంగ్రెస్ పార్టీ నాయకులు పేర్కొన్నారు. చెరువులు, ఇసుక, ప్రాజెక్టులు, కాంట్రాక్టు పనులకు సంబంధించి గత పాలనలో జరిగిన వ్యవహారాలపై ప్రజల్లో ఉన్న అనేక ప్రశ్నలకు సమాధానాలు చెప్పాల్సిన బాధ్యత గత పాలకులదే అని వారు అన్నారు.
జగిత్యాల జిల్లాలో డైరీ, పౌల్ట్రీ రైతుల కోసం పంచాయతీ రాజ్, గ్రామీణాభివృద్ధి సంస్థ ఒక ముఖ్యమైన ఉత్తర్వులను జారీ చేసింది. ఇకపై గ్రామ పంచాయతీ పరిధిలో ఉన్న ఈ రైతులు ఇంటి పన్ను చెల్లించాల్సిన అవసరం లేదు.
జగిత్యాల రూరల్ మండలంలోని గ్రామాల్లో నాణ్యత లేని మటన్ విక్రయిస్తున్నారని వినియోగదారులు ఆరోపిస్తున్నారు. శ్రావణమాసం కారణంగా గిరాకీ లేక, నిన్న, మొన్న కోసిన మాంసం అమ్ముడుపోక మిగిలిపోవడంతో, దానిని ఫ్రిడ్జ్లో నిల్వ చేసి మూడు, నాలుగు రోజుల పాటు విక్రయిస్తున్నారని అనుమానాలు వ్యక్తమవుతున్నాయి.
దేశవ్యాప్తంగా ఓటర్ల జాబితాల ప్రత్యేక సమగ్ర సవరణ (సర్) ప్రక్రియలో భాగంగా కోట్లాది మంది ఓటర్ల పేర్లు డ్రాఫ్ట్ జాబితాల నుంచి తొలగించబడ్డాయి. ఇప్పటివరకు 13.37 కోట్ల మంది ఓటర్ల పేర్లు తొలగించబడగా, ఢిల్లీలో 32.8, తెలంగాణలో 21.7 ఓటర్ల పేర్లకు కోత పడింది. తొలగించబడిన ఓటర్లు తిరిగి తమ పేర్లను చేర్చుకోవడానికి ప్రభుత్వ యంత్రాంగం చుట్టూ తిరగాల్సిన పరిస్థితి ఏర్పడింది.