కేశంపేట్ మండలంలోని పోమాల్పల్లికొండారెడ్డిపల్లి ఉమ్మడి గ్రామ పంచాయతీ మాజీ ఉప సర్పంచ్ గంగిడి లక్ష్మారెడ్డి మృతి పట్ల మాజీ ఎమ్మెల్యే అంజయ్య యాదవ్ తీవ్ర సంతాపం వ్యక్తం చేశారు. లక్ష్మారెడ్డి నివాసానికి చేరుకున్న ఆయన, పార్థివదేహానికి పూలమాల వేసి నివాళులర్పించారు.
లక్ష్మారెడ్డి కుటుంబ సభ్యులను పరామర్శించి, తన ప్రగాఢ సానుభూతిని తెలియజేశారు. లక్ష్మారెడ్డి ఆత్మకు శాంతి చేకూరాలని భగవంతుడిని ప్రార్థించారు. ఈ విషాద సమయంలో కుటుంబ సభ్యులు మనోధైర్యంతో ఉండాలని ఆకాంక్షించారు.
గ్రామ నాయకుల సంతాపం
గ్రామస్థాయిలో ఉప సర్పంచ్గా సేవలందించిన లక్ష్మారెడ్డి మృతి పట్ల పలువురు గ్రామ నాయకులు, బీఆర్ఎస్ శ్రేణులు సంతాపం వ్యక్తం చేశారు. ఆయన కుటుంబానికి అండగా ఉంటామని భరోసా కల్పించారు.
ఈ కార్యక్రమంలో యువనాయకుడు ప్రేమ్ కుమార్ గౌడ్, గ్రామ బీఆర్ఎస్ అధ్యక్షుడు జగన్మోహన్ రెడ్డి, డిప్యూటీ సర్పంచ్ నరేష్, రామ్ రెడ్డి, దశరత్, వార్డు సభ్యులు వెంకట్రామ్ రెడ్డి, మాధవ్, గ్రామ బీఆర్ఎస్ నాయకులు కుమ్మరి యాదగిరి, తక్రుబ్, మహ్మద్ తదితరులు పాల్గొని గంగిడి లక్ష్మారెడ్డికి నివాళులర్పించారు. వారి కుటుంబ సభ్యులకు ప్రగాఢ సానుభూతి తెలియజేశారు.
