మండలం అల్లీపూర్ గ్రామంలో వినాయక నవరాత్రి ఉత్సవాల్లో భాగంగా ఏర్పాటు చేసిన వినాయక మండపాన్ని బీజేపీ రాష్ట్ర నాయకురాలు డా. బోగ శ్రావణి ప్రవీణ్ సందర్శించారు. ఈ సందర్భంగా ఆమె స్వామివారిని దర్శించుకుని ప్రత్యేక పూజలు నిర్వహించారు.
రైడర్స్ యూత్ ఆధ్వర్యంలో కెటిఎమ్ రవి ఏర్పాటు చేసిన మండపాన్ని నాయకురాలు సందర్శించారు. అనంతరం, అన్నదాన కార్యక్రమంలో పాల్గొని భక్తులతో కలిసి అన్నప్రసాదాన్ని స్వీకరించారు.
వినాయక నవరాత్రి ఉత్సవాలను భక్తిశ్రద్ధలతో, ప్రశాంత వాతావరణంలో నిర్వహించుకోవాలని ఆమె ఆకాంక్షించారు. శ్రీ వినాయకుని ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని కోరుకున్నారు.
కార్యక్రమంలో నాయకులు
ఈ కార్యక్రమంలో మండల అధ్యక్షులు ఆకుల మహేష్, జిల్లా ఎస్టీ మోర్చా అధ్యక్షులు తిరుపతి నాయక్, రాజశేఖర్, మణికంఠ, అర్జున్, నాగరాజు, రమేష్ మరియు యూత్ సభ్యులు తదితరులు పాల్గొన్నారు.
