రేపు మూలా నక్షత్రం: ఇంద్రకీలాద్రిపై సీఎం చంద్రబాబు పట్టువస్త్రాల సమర్పణ

రేపు మూలా నక్షత్రం సందర్భంగా ఇంద్రకీలాద్రిపై కొలువైన కనకదుర్గమ్మకు ఆంధ్రప్రదేశ్ ముఖ్యమంత్రి చంద్రబాబు నాయుడు పట్టువస్త్రాలు సమర్పించనున్నారు. ఈ కార్యక్రమం రేపు సాయంత్రం 4 గంటల నుంచి 6 గంటల మధ్య జరగనుంది.

భక్తుల రద్దీ నేపథ్యంలో దర్శన వేళలు

మూలా నక్షత్రం సందర్భంగా ఆలయానికి భారీగా భక్తులు తరలివస్తారని అంచనా వేస్తున్నారు. ఈ నేపథ్యంలో, భక్తుల సౌకర్యార్థం రేపు తెల్లవారుజామున 2 గంటల నుంచే అమ్మవారి దర్శనాలను ప్రారంభించనున్నట్లు ఆలయ ఈవో శీనా నాయక్ తెలిపారు.

ప్రోటోకాల్ దర్శనాలు రద్దు

భారీగా భక్తులు తరలిరానున్నందున, ప్రత్యేక దర్శనాలు, అంతరాలయ దర్శనాలతో పాటు అన్ని రకాల ప్రోటోకాల్ దర్శనాలను తాత్కాలికంగా రద్దు చేసినట్లు ఆలయ అధికారులు వెల్లడించారు. భక్తులందరికీ సామాన్య దర్శనం కల్పించేందుకు ఏర్పాట్లు చేస్తున్నారు.