తెలంగాణ రాష్ట్ర సాధన కోసం జీవితాంతం పోరాడిన మహనీయుడు కొండా లక్ష్మణ్ బాపూజీ అని జగిత్యాల శాసనసభ్యులు డా. సంజయ్ కుమార్ అన్నారు. ఆయన ఆశయాలు, సేవలను స్మరించుకుంటూ తెలంగాణ రాష్ట్ర ప్రభుత్వం పలు కార్యక్రమాలు చేపడుతోందని తెలిపారు. రాయికల్ పట్టణంలో బాపూజీ 111వ జయంతి సందర్భంగా ఆయన విగ్రహానికి ఎమ్మెల్యే నివాళులర్పించారు.
ప్రముఖ స్వాతంత్ర్య సమర యోధులు, స్వరాష్ట్ర సాధనే ధ్యేయంగా పరితపించిన తొలితరం ఉద్యమ నాయకులు కొండా లక్ష్మణ్ బాపూజీ గారి 111వ జయంతి సందర్భంగా రాయికల్ పట్టణంలో ఆయన విగ్రహానికి పూలమాల వేసి ఘనంగా నివాళులర్పించారు జగిత్యాల ఎమ్మెల్యే డా. సంజయ్ కుమార్.
తెలంగాణ సమాజానికి కొండా లక్ష్మణ్ బాపూజీ చేసిన సేవలు చిరస్మరణీయమని, ఆయన త్యాగాలను భవిష్యత్ తరాలకు తెలియజేయాల్సిన బాధ్యత ప్రతి ఒక్కరిపై ఉందన్నారు. ముఖ్యమంత్రి రేవంత్ రెడ్డి నాయకత్వంలోని రాష్ట్ర ప్రభుత్వం కొండా లక్ష్మణ్ బాపూజీ సేవలకు తగిన గుర్తింపు కల్పించే దిశగా చర్యలు చేపడుతోందని ఆయన పేర్కొన్నారు.
తెలంగాణ రాష్ట్ర ప్రభుత్వం హ్యాండ్ లూమ్, టెక్స్టైల్ యూనివర్శిటీకి కొండా లక్ష్మణ్ బాపూజీ పేరును ప్రకటించింది. కొండా లక్ష్మణ్ బాపూజీ పేరును ప్రభుత్వ కార్యక్రమాలు, సంస్థల ద్వారా చిరస్థాయిగా నిలిపే ప్రయత్నాలు జరుగుతున్నాయని, ఆయన ఆశయాలకు అనుగుణంగా తెలంగాణ అభివృద్ధి, ప్రజా సంక్షేమం కోసం ప్రభుత్వం ముందుకు సాగుతోందని డా. సంజయ్ కుమార్ తెలిపారు.
మహాత్మా గాంధీ తర్వాత బాపూజీగా కొండా లక్ష్మణ్ బాపూజీని పిలుస్తామని ఆయన అన్నారు. జగిత్యాల నియోజకవర్గంలో అన్ని కుల సంఘాల బలోపేతానికి ప్రభుత్వం కృషి చేస్తామని ఆయన అన్నారు.
ఈ కార్యక్రమంలో ఆత్మ చైర్మన్ కాటిపెళ్ళి గంగారెడ్డి, కమిషనర్ మనోహర్ గౌడ్, మున్సిపల్ చైర్మన్ కట్కం రవీందర్, వైస్ చైర్మన్ సౌజన్య శ్రీదర్ రెడ్డి, మాజీ మున్సిపల్ ఛైర్మన్ మోర హన్మండ్లు, వైస్ చైర్మన్ రమాదేవి, పాక్స్ చైర్మన్ ఏనుగుమల్లారెడ్డి, పద్మశాలి సంఘం అధ్యక్షులు రాజేశం, కౌన్సిలర్లు, కో ఆప్షన్ సభ్యులు, సర్పంచులు, నాయకులు, అధికారులు తదితరులు పాల్గొన్నారు.
