ప్రజా సమస్యల పరిష్కారానికి వారం వారం నిర్వహిస్తున్న ప్రజా దర్బార్ ద్వారా విశేషంగా కృషి చేస్తున్నట్లు ఎమ్మెల్యే బండారు సత్యానందరావు తెలిపారు. శుక్రవారం వాడపాలెం ఎమ్మెల్యే కార్యాలయంలో నిర్వహించిన ప్రజా దర్బార్లో ప్రజల నుంచి 16 వినతులు స్వీకరించారు.
ప్రజా సమస్యల పరిష్కారానికి వారం వారం నిర్వహిస్తున్న ప్రజా దర్బార్ ద్వారా విశేషంగా కృషి చేస్తున్నట్లు ఎమ్మెల్యే బండారు సత్యానందరావు తెలిపారు. ఇదే రీతిలో గ్రామ స్థాయిలోని ప్రతి నాయకుడు వారంలో ఒక రోజు ప్రజా సమస్యల పరిష్కారం కోసం కేటాయించాలని ఆయన సూచించారు. శుక్రవారం వాడపాలెం ఎమ్మెల్యే కార్యాలయంలో ఎమ్మెల్యే బండారు ప్రజా దర్బార్ నిర్వహించారు. ప్రజల నుంచి వినతులు స్వీకరించారు. ప్రజా దర్బార్ కార్యక్రమం ద్వారా సామాన్య ప్రజలు ఎక్కడా ఇబ్బంది పడకుండా, సులభంగా తమ సమస్యలను అధికారుల దృష్టికి తీసుకెళ్లే అవకాశం కల్పిస్తున్నామని తెలిపారు. స్థానిక నాయకులు సైతం అధికారులతో సమన్వయం చేసుకొని ప్రజా సమస్యల పరిష్కారంలో చొరవ చూపాలని కోరారు. ప్రజా దర్బార్ లో భాగంగా ప్రజల నుంచి ఎమ్మెల్యేకు 16 వినతులు అందాయి. పలు సమస్యలను ఎమ్మెల్యే అక్కడికక్కడే అధికారులతో మాట్లాడి పరిష్కరించారు.
