జిల్లాలో స్కూల్ గేమ్స్ ఫెడరేషన్ () ఆధ్వర్యంలో జరిగిన ఉమ్మడి జిల్లాస్థాయి బాక్సింగ్ పోటీల్లో ప్రతిభ కనబరిచి రాష్ట్రస్థాయి పోటీలకు ఎంపికైన క్రీడాకారులను ఎమ్మెల్యే డా. సంజయ్ కుమార్ అభినందించారు. కేలో ఇండియా బాక్సింగ్ సెంటర్ కు చెందిన క్రీడాకారులు ఈ ఘనత సాధించారు.
జిల్లా కేంద్రంలోని పొన్నాల గార్డెన్స్లో 202627 సంవత్సరానికి నిర్వహించిన ఉమ్మడి జిల్లాస్థాయి బాక్సింగ్ పోటీలలో అండర్14, అండర్17 విభాగాల్లో క్రీడాకారులు అత్యుత్తమ ప్రతిభ కనబరిచారు. ఈ పోటీల్లో రాణించి రాష్ట్రస్థాయి స్కూల్ గేమ్స్ ఫెడరేషన్ పోటీలకు ఎంపికైన క్రీడాకారులను ఎమ్మెల్యే డా. సంజయ్ కుమార్ అభినందించారు.
కేలో ఇండియా బాక్సింగ్ సెంటర్కు చెందిన క్రీడాకారులు రాష్ట్రస్థాయి పోటీలకు ఎంపిక కావడం పట్ల ఎమ్మెల్యే సంతోషం వ్యక్తం చేశారు. రాష్ట్రస్థాయి పోటీలలో కూడా అత్యుత్తమ ప్రతిభ కనబరిచి జిల్లాకు మంచి పేరు తీసుకురావాలని క్రీడాకారులను ఆయన ఆకాంక్షించారు. ఈ సందర్భంగా కోచ్ నవీన్ ను కూడా అభినందించారు.
అండర్14 విభాగంలో సిహెచ్. గుణతేజ, వి. మిధున్, అసిత్, ఇస్మాయిల్, అండర్17 విభాగంలో ఎల్. కార్తికేయ, హృదయ్, సిహెచ్. శ్రీ వైష్ణవి, కే .వాసవి, ఎస్. స్వరాలి తదితర క్రీడాకారులు రాష్ట్రస్థాయి పోటీలకు ఎంపికయ్యారు.
కష్టపడి సాధన చేస్తే క్రీడాకారులు ఉన్నత స్థాయికి చేరుకోవచ్చని, క్రీడలతో విద్యార్థుల్లో క్రమశిక్షణ, ఆత్మవిశ్వాసం పెంపొందుతాయని ఎమ్మెల్యే పేర్కొన్నారు. జిల్లాలో క్రీడాకారులను ప్రోత్సహించేందుకు అవసరమైన సహకారం అందిస్తామని తెలిపారు. చదువుతో పాటు శారీరక దారుఢ్యం ముఖ్యమని, అందరూ కేలో ఇండియా బాక్సింగ్ సెంటర్ను ఉపయోగించుకోవాలని ఆయన సూచించారు.
ఈ కార్యక్రమంలో సీనియర్ బాక్సింగ్ కోచ్ ఆరుముల పవన్, కేలో ఇండియా కోచ్ నల్ల నవీన్, సింగిల్ విండో చైర్మన్ కొలుగూరి దామోదర్ రావు, ఏఎంసీ చైర్మన్ గడ్డం నారాయణ్ రెడ్డి, మండల కాంగ్రెస్ పార్టీ అధ్యక్షులు బాల ముకుందం, మాజీ సర్పంచులు మహేశ్వర్ రావు, శరత్ రావు, మహేందర్ రావు, ఈశ్వర్, తదితరులు పాల్గొన్నారు.
