ఖమ్మంవరంగల్నల్గొండ పట్టభద్రుల ఎమ్మెల్సీ ఎన్నికల నేపథ్యంలో, అర్హులైన ప్రతి పట్టభద్రుడిని ఓటరుగా నమోదు చేయాలని కోదాడ మాజీ శాసనసభ్యులు శ్రీ బొల్లం మల్లయ్య యాదవ్ పిలుపునిచ్చారు. మండలంలో ఓటరు నమోదుపై అవగాహన సదస్సు నిర్వహించి, నాయకులకు దిశానిర్దేశం చేశారు.
ఖమ్మంవరంగల్నల్గొండ పట్టభద్రుల ఎమ్మెల్సీ ఎన్నికల నేపథ్యంలో, పట్టభద్రుల ఓటరు నమోదు ప్రాధాన్యతను వివరించేందుకు కోదాడ మాజీ శాసనసభ్యులు శ్రీ బొల్లం మల్లయ్య యాదవ్ గారు మండలం రాఘవాపురం క్రాస్ రోడ్ వద్ద మండల నాయకులతో కలిసి ఓటరు నమోదుపై అవగాహన సదస్సు నిర్వహించారు. ఈ సందర్భంగా మండల నాయకులకు దిశానిర్దేశం చేస్తూ, అర్హులైన ప్రతి పట్టభద్రుడిని గుర్తించి ఓటరుగా నమోదు చేయించే బాధ్యతను నాయకులందరూ సమన్వయంతో చేపట్టాలని ఆయన పిలుపునిచ్చారు.
ఈ సందర్భంగా బొల్లం మల్లయ్య యాదవ్ మాట్లాడుతూ, పట్టభద్రుల ఎమ్మెల్సీ ఎన్నికల్లో ఓటరు నమోదు అత్యంత కీలకం అని తెలిపారు. ప్రతి గ్రామంలోని ప్రతి విద్యావంతుడి వద్దకు వెళ్లి, అర్హులైన పట్టభద్రులను ఓటర్లుగా నమోదు చేయించే బాధ్యతను ప్రతి కార్యకర్త తీసుకోవాలని ఆయన సూచించారు. ఇది సాధారణ ఎన్నిక కాదని, విద్యావంతులు, మేధావులు, ఉద్యోగార్థులు, యువత తమ తీర్పును చెప్పే ఎన్నిక అని ఆయన పేర్కొన్నారు. అర్హత ఉన్న ప్రతి పట్టభద్రుడు తప్పనిసరిగా ఓటరుగా నమోదు కావాలని ఆయన నొక్కి చెప్పారు.
గత మూడేళ్లుగా కాంగ్రెస్ ప్రభుత్వం ఇచ్చిన హామీలు, ప్రభుత్వ వైఫల్యాలు, నిరుద్యోగ యువత సమస్యలు, ఉద్యోగాల కోసం ఎదురుచూస్తున్న పట్టభద్రుల సమస్యలపై బీఆర్ఎస్ పార్టీ నిరంతరం పోరాడుతోందని ఆయన తెలిపారు. ప్రభుత్వ వ్యతిరేకత కేవలం మాటల్లో ఉండకూడదని, అది పట్టభద్రుల ఓటరు నమోదులో ప్రతిబింబించాలని ఆయన అన్నారు. పట్టభద్రుల ఎమ్మెల్సీ ఎన్నికల్లో బీఆర్ఎస్ విజయం సాధిస్తే తెలంగాణ రాజకీయ ముఖచిత్రంలో కీలక మార్పుకు నాంది అవుతుందని ఆయన అభిప్రాయపడ్డారు. కాంగ్రెస్ ప్రభుత్వంపై ప్రజల్లో ఉన్న అసంతృప్తికి ఈ ఎన్నిక బలమైన సంకేతంగా నిలుస్తుందని ఆయన అన్నారు.
ప్రతి గ్రామంలో పట్టభద్రుల వివరాలను సేకరించి, అర్హులైన వారందరికీ ఓటరు నమోదు ప్రక్రియపై అవగాహన కల్పించాలని ఆయన సూచించారు. ఉద్యోగులు, నిరుద్యోగులు, ప్రైవేట్ ఉద్యోగులు, సాఫ్ట్వేర్ ఉద్యోగులు, వ్యాపారులు, ఉపాధ్యాయులు, రిటైర్డ్ ఉద్యోగులు, విద్యావంతులందరినీ ఓటర్లుగా నమోదు చేయించేందుకు కృషి చేయాలని ఆయన కోరారు. ఒక్క అర్హుడైన పట్టభద్రుడు కూడా ఓటరు నమోదుకు దూరం కాకుండా చూడాలని, ఓటరు నమోదు విషయంలో ఇతర పార్టీల కంటే ముందుండాలని ఆయన సూచించారు. ఎంత ఎక్కువ మంది అర్హులైన పట్టభద్రులను నమోదు చేయిస్తే, అంత బలమైన ప్రజాస్వామ్య తీర్పును సాధించగలుగుతామని ఆయన అన్నారు.
