రాజేంద్రనగర్ (ధర్మ రథం) సెప్టెంబర్ 13
రాజేంద్రనగర్ నియోజకవర్గంలో నూతనంగా ఎన్నికైన కాంగ్రెస్ పార్టీ డివిజన్ అధ్యక్షులు, కార్యదర్శులతో ఎమ్మెల్యే ప్రకాష్ గౌడ్ ప్రత్యేక సమీక్ష సమావేశం నిర్వహించారు. ప్రజలకు ఎల్లప్పుడూ అందుబాటులో ఉండాలని, స్థానిక సమస్యల పరిష్కారానికి కృషి చేయాలని ఆయన సూచించారు.
ప్రజలకు అందుబాటులో ఉంటూ స్థానిక సమస్యల పరిష్కారానికి కృషి చేయాలి: ఎమ్మెల్యే ప్రకాష్ గౌడ్ రాజేంద్రనగర్ (ధర్మ రథం) 12, 26 రాజేంద్రనగర్ నియోజకవర్గంలోని డివిజన్లకు నూతనంగా ఎంపికైన అధ్యక్షులు, కార్యదర్శులతో రాజేంద్రనగర్ ఎమ్మెల్యే క్యాంప్ కార్యాలయంలో ప్రత్యేక రివ్యూ సమావేశం నిర్వహించారు. డీసీసీ అధ్యక్షులు చల్లా నర్సింహారెడ్డి ఆధ్వర్యంలో జరిగిన ఈ సమావేశానికి స్థానిక ఎమ్మెల్యే ప్రకాష్ గౌడ్ ముఖ్య అతిథిగా హాజరయ్యారు. ఈ సందర్భంగా నూతనంగా బాధ్యతలు స్వీకరిస్తున్న డివిజన్ అధ్యక్షులు, కార్యదర్శులకు డీసీసీ అధ్యక్షులు చల్లా నర్సింహారెడ్డితో కలిసి ఎమ్మెల్యే ప్రకాష్ గౌడ్ అధికారికంగా నియామక పత్రాలను అందజేశారు. అనంతరం నూతన కార్యవర్గ సభ్యులను ఉద్దేశించి ఎమ్మెల్యే ప్రకాష్ గౌడ్ మాట్లాడుతూ.. పార్టీ నాయకులు, కార్యకర్తలు ప్రజలకు ఎల్లప్పుడూ అందుబాటులో ఉండాలని సూచించారు. ప్రజలు ఎదుర్కొంటున్న స్థానిక సమస్యలను గుర్తించి, సంబంధిత అధికారులతో సమన్వయం చేసుకుంటూ వాటి పరిష్కారానికి కృషి చేయాలని తెలిపారు. డివిజన్ స్థాయిలో పార్టీని మరింత బలోపేతం చేయడంతో పాటు ప్రజలతో నిరంతరం మమేకమై పనిచేయాలని నూతన అధ్యక్షులు, కార్యదర్శులకు ఎమ్మెల్యే పలు సూచనలు, సలహాలు అందించారు. పార్టీ కార్యక్రమాలను క్షేత్రస్థాయికి తీసుకెళ్లి, ప్రజా సమస్యలపై చురుకైన పాత్ర పోషించాలని సూచించారు. డీసీసీ అధ్యక్షులు చల్లా నర్సింహారెడ్డి ఆధ్వర్యంలో జరిగిన ఈ సమావేశంలో పార్టీ భవిష్యత్ కార్యాచరణ, సంస్థాగత బలోపేతం, ప్రజా సమస్యల పరిష్కారం తదితర అంశాలపై సమగ్రంగా సమీక్షించారు. ఈ కార్యక్రమంలో నూతనంగా ఎంపికైన డివిజన్ అధ్యక్షులు, కార్యదర్శులతో పాటు పలువురు పార్టీ నాయకులు, కార్యకర్తలు పాల్గొన్నారు.
