పురస్కరించుకొని (ధర్మ రథం) నవంబర్ 21
59వ జాతీయ గ్రంథాలయ వారోత్సవాల సందర్భంగా జగిత్యాల జిల్లా గ్రంథాలయం ఆధ్వర్యంలో గ్రంథాలయంలో విలువలు మరియు బాధ్యతలు అనే అంశంపై నిర్వహించిన ఉపన్యాస పోటీలో జీడీసీడబ్ల్యూఏ కళాశాల విద్యార్థులు ప్రతిభ కనబరిచి బహుమతులు సాధించారు. జిల్లా గ్రంథాలయ చైర్మన్ సంగభట్ల దినేష్, మున్సిపల్ ఛైర్పర్సన్ సమిండ్ల వాణి-శ్రీనివాస్, డీఈఓ ఈ కార్యక్రమంలో పాల్గొన్నారు.
59వ జాతీయ గ్రంథాలయ వారోత్సవాలను పురస్కరించుకొని జిల్లా గ్రంథాలయం ఆధ్వర్యంలో గ్రంథాలయంలో విలువలు మరియు బాధ్యతలు అనే అంశంపై ఉపన్యాస పోటీ నిర్వహించారు. జగిత్యాల జిల్లా గ్రంథాలయ చైర్మన్ సంగభట్ల దినేష్, జగిత్యాల పట్టణ మున్సిపల్ ఛైర్పర్సన్ శ్రీమతి సమిండ్ల వాణి-శ్రీనివాస్, జగిత్యాల డీఈఓ గారు ఈ పోటీలకు ముఖ్య అతిథులుగా హాజరయ్యారు. ఈ పోటీలో జీడీసీడబ్ల్యూఏ జగిత్యాల కళాశాల విద్యార్థులు ఉత్సాహంగా పాల్గొని తమ ప్రతిభను చాటుకున్నారు.
విజేతలు వీరే
ఈ పోటీలో జీడీసీడబ్ల్యూఏ కళాశాల విద్యార్థులు పలు బహుమతులను సాధించారు. ప్రథమ బహుమతిని బి.ఏ. చివరి సంవత్సరం చదువుతున్న ఆకుల జ్యోతిశ్రీ (ఆకుల నాగరాజు కుమార్తె) గెలుచుకున్నారు. ద్వితీయ బహుమతిని బి.ఏ. మొదటి సంవత్సరం చదువుతున్న సి.హెచ్. మధుశ్రీ సాధించారు.
విద్యార్థులు సాధించిన విజయంపై కళాశాల ప్రిన్సిపాల్ ప్రొఫెసర్ రామకృష్ణ గారు హర్షం వ్యక్తం చేస్తూ, విజేతలతో పాటు పోటీలో పాల్గొన్న విద్యార్థులందరినీ ప్రత్యేకంగా అభినందించారు. కళాశాల గ్రంథాలయ ఇన్చార్జి శ్రీ మల్లికార్జున్, ఇన్చార్జి ప్రిన్సిపాల్స్ డా. ప్రమోద్ కుమార్, డా. చంద్రయ్య తదితరులు ఈ కార్యక్రమంలో పాల్గొన్నారు.







