జగిత్యాల జిల్లా మండలంలోని గోధూర్ గ్రామానికి చెందిన బుడత నవీన్ (28) అనే యువకుడు కిడ్నీ సంబంధిత వ్యాధితో బాధపడుతున్నాడు. ఈ విషయం తెలుసుకున్న వర్షకొండ గ్రామానికి చెందిన అంబేద్కర్ యువజన సంఘం సభ్యులు స్పందించి, అతనికి 11,500 రూపాయల ఆర్థిక సహాయం అందించారు.
గోధూర్ గ్రామానికి చెందిన బుడత నవీన్ గత కొన్ని రోజులుగా అనారోగ్యంతో బాధపడుతున్నాడు. కిడ్నీ సంబంధిత వ్యాధితో ఇబ్బందులు పడుతున్న అతనికి సహాయం అందించాలని వర్షకొండ గ్రామానికి చెందిన అంబేద్కర్ యువజన సంఘం సభ్యులు నిర్ణయించుకున్నారు. సంఘం సభ్యులు తమ సేవా భావాన్ని చాటుకుంటూ, నవీన్కు 11,500 రూపాయల ఆర్థిక సహాయాన్ని అందజేశారు. ఈ సహాయం అతని వైద్య ఖర్చులకు కొంతవరకు ఉపయోగపడుతుందని ఆశిస్తున్నారు. ఈ కార్యక్రమంలో అంబేద్కర్ యువజన సంఘం సభ్యులు బొబ్బిలి కిషోర్, బొబ్బిలి దిలీప్, తాండ్ర నరేష్, తాండ్ర వంశీ, బోయినీ తిరుమలేష్, గొర్రె సురేష్, గుజ్జరి వెంకటేష్, తూటికూర్ల ప్రేమ్ కుమార్ పాల్గొన్నారు. బ్లూ ఆర్మీ వ్యవస్థాపకులు గుజ్జరి ప్రకాష్ కూడా ఈ కార్యక్రమంలో పాల్గొన్నారు.
