జగిత్యాల రూరల్, జూలై 29
జగిత్యాల రూరల్ మండలం గుండ్లపేట - అనంతారం రోడ్డు డ్యామ్ పరిధిలోని తక్కలపల్లి బ్రిడ్జి వద్ద భారీ వర్షాల కారణంగా వరద ప్రవాహం తీవ్రంగా ఉధృతమైంది. దీనితో రాకపోకలకు తీవ్ర అంతరాయం ఏర్పడింది. పరిస్థితిని గమనించిన స్థానిక ప్రజా ప్రతినిధులు, పంచాయతీ సిబ్బంది ప్రజలను అప్రమత్తంగా ఉండాలని విజ్ఞప్తి చేశారు.
జగిత్యాల రూరల్ మండలం గుండ్లపేట - అనంతారం రోడ్డు డ్యామ్ పరిధిలోని తక్కలపల్లి బ్రిడ్జి వద్ద భారీ వర్షాల కారణంగా వరద ప్రవాహం తీవ్రంగా ఉధృతమైంది. ఈ వరద ఉధృతి వల్ల రాకపోకలకు తీవ్ర అంతరాయం ఏర్పడింది.
పరిస్థితిని గమనించిన తక్కలపల్లి గ్రామ సర్పంచ్, ఉప సర్పంచ్ మరియు పంచాయతీ సిబ్బంది ప్రజలు అప్రమత్తంగా ఉండాలని విజ్ఞప్తి చేశారు. వరద ఉధృతికి బ్రిడ్జి వద్ద భారీగా చెత్తాచెదారం పేరుకుపోయింది. ప్రజల భద్రతను దృష్టిలో ఉంచుకుని, వెంటనే స్పందించిన పంచాయతీ పాలకవర్గం ఆ స్థలాన్ని పరిశీలించి, జేసీబీ సహాయంతో చెత్తను తొలగించే పనులను యుద్ధప్రాతిపదికన చేపట్టింది.
ఈ సందర్భంగా సర్పంచ్, ఉప సర్పంచ్ మాట్లాడుతూ.. అత్యవసర పరిస్థితుల్లో తప్ప ప్రజలు ఎవరూ ఇళ్ల నుంచి బయటకు రావద్దని, అనవసర ప్రయాణాలను వాయిదా వేసుకోవాలని కోరారు. ముఖ్యంగా బ్రిడ్జి పరిసర ప్రాంతాలకు ఎవరూ వెళ్లవద్దని హెచ్చరించారు. ప్రాణనష్టం జరగకుండా అధికారులు, పంచాయతీ సిబ్బంది ఇచ్చే సూచనలను ప్రజలు ఖచ్చితంగా పాటించాలని, ప్రజల భద్రతే తమకు అత్యంత ముఖ్యమని వారు స్పష్టం చేశారు.
